粟米的故事 @ N1
原來….. 靖天返學都會喊…..
這天放學, 媽咪如常的接靖天…..
放學前, 在窗外, 已經偷看到靖天似在哭………
跟老師細細說話, 又自己拿紙巾抹眼淚………
奇怪怎麼靖天在哭?! 
.
好了, 準備接走靖天了….
老師卻拿出一隻濕濕的紙碟, 上面盛著已經咬了幾口的粟米….
不用老師說, 也知發生什麼事…. 
然後, 老師跟靖天說: 『頭先我話你唔食曬粟米, 我就會留返俾媽咪睇架麻!』
然後, 靖天急了: 『我頭先有話食粟米架麻… (下刪百字解釋)』
靖天的下午茶……
老師再向我解釋, 是因為她吃粟米時, 咬了幾口又不要…
如何逗她, 她都不吃….
結果, 她就留起這個粟米, 再跟我”告狀”….. 
.
我沒有怪老師, 但離開學校後, 慌慌的靖天, 被媽咪說了兩句, 加上她本身的”心虛”, 已經嚎哭起來…. 
但又其實….. 老師對靖天是否太嚴厲了?
心想: 『她不吃, 隨她吧, 也許她真的不愛粟米? 也許她真的沒有胃口? 也許她真的咬不下去?…..』
.
回家後, 跟爸B細細研究… 都是沒有結論…..
只怪靖天的飲食習慣真的太差, 挑食的情況隨著年紀越來越嚴重…..
但作為媽咪的, 倒是心痛靖天茶點後一直有哭, 應該是被老師怪責?!
看著老師留起來的那條粟米, 自己也有點不知所措….. 『難道老師真的想靖天回家將它吃光?』 
.
要是迫她吃掉, 那又似乎違背了過往”你愛吃什麼就吃什麼”的原則…..
但不要她吃, 又似乎跟老師的立場不相乎, 令靖天難以適從…. 
最後, 看靖天都哭了很久, 還不停的道歉, 又不停的說: 『我下次會食架喇…』
媽咪想了又想…. 輕輕的說了一句: 『如果你唔想食, 就直接同老師講你唔想食, 你咁樣咬左兩啖就唔要, 咁邊個食你口水尾? 你唔食可以留返其他小朋友, 但你食過, 就無人食到… 咁就要掉左佢… 係浪費食物, (最後多加一句) 做公主唔會浪費食物架喎!』
靖天: 『我知道喇!』
.
上學已經3個月, 雖然已經有所進步, 但仍然 (應該) 是全班最差的…..
挑食的情況仍然存在, 每每遇到她不想她的午餐 / 茶點, 她就會扭扭擰擰… 多多事實!
結果?…. 老師都發現了….. 
有時…. 她會快快的吃光她的午餐 / 下午茶;
有時…. 她會流著淚的吃, 還要老師幫忙;
靖天啊靖天… 您還是多吃一點吧… 越吃越少, 怎樣長大呢?! 
.
(502)
老師很嚴厲呀！
可能老師也受不了靖天教極唔聽, 哈哈
咁大件.應該切細一點啊.小朋友好難一次過吃哂啊.
全班, 就只得她一個吃不完….
又如何解說!? @.@
聽靖天哭得這麼可憐,我估靖天真係已明白自己做錯了…喲…睇到姨姨都心痛呢!
我估老師都係想教訓佢唔應該浪費食物,所以靖天媽你最後用呢個point同靖天講非常正確…
我哋都係成日教瀅瀅唔好浪費食物,咁佢又真係好聽話,每餐都一定會將碗內的食物吃完…雖然有時食得好慢:P
所以瀅瀅咪咁乖囉….
我遲左2年幾先教靖天呢個概念….
依家極度頭痛苦, xd
mavis都係飲食習慣強差, 變左返學最大既挑戰就係食, 佢仲要讀全日, 有早午茶點, 3餐添… 同埋因為全日學, 老師都堅持一定要食晒, 早幾星期mavis都開始頂唔順同我講唔想返學。
靖天好一點, 早餐唔洗佢返學食, xd
不過呢….. 係真係堅持要食曬;
我覺得那老師好像有點嚴厲, 吃不完粟米放學跟家長說就可以啦, 將粟米留起來好像有點怪呢!
你很叻呢! 懂得怎樣跟靖天說, 如果是我都不知怎樣說才好呢!
是嚴厲, 又怎樣?!
是有點怪, 但也可以理解老師背後的原因;
如果每次都係話極唔聽, 用這個方法, 可能會湊效一點….
我都用”唔好浪費食物, 有好多人無得食”黎教小朋友唔好挑食. 老師留起來粟米, 應該都係封小朋友知衰, 或者老師知道靖天怕你多過怕佢, 留返俾你”泡製”靖天 haha
我都係咁估老師既動機…..
哈哈, 老師是知道極怕我的……..
結果…. 她到今天還記得, 自己浪費食物是不對;
留返個粟米又似乎太嚴厲
和家長說一聲便可，不用留証據的
這樣好容易傷害小朋友的心靈
個人基本上是認同老師的處理, 否則也跟老師”反面”了, xd
是一個阻嚇作用吧
老師可能覺得如果只用口術轉告給媽咪聽 靖天會沒有這麼深刻的一個感受
但要先清楚了解老師這樣做是出自什麼心態
是不想靖天浪費食物 ?
還是不想靖天挑食 ???
如果是前者 .. 可以接受 .. 不想吃 便要先開口 .. 不能咬了兩口才說不吃
但 .. 如果是想靖天 下次會將之全都吃掉 ..
那就有點兒那過 …
雖知道 偏食 是不好的習慣 . 但每個人都有喜歡與不喜歡吃的食物 (營養的吸收亦可從多方向吸收. 不是單單的一種食物麻)
看這條粟米如此的大條 .. 若不喜歡吃粟米的小朋友拿到還要吃光 , 一定感到痛苦萬分啊
可以跟老師建議 分開 2 條 .. 如果喜歡的小朋友 可以 添吃 麻
果然, 聰媽很細心唷!!!
其實影得大條吧.. 實圖不是這樣的!!!
靖天媽,你不用太擔心老師既做法,其實老師咁做都係想小朋友明白,唔好[浪費食物],事實上現今小孩係真係太多浪費事情發生,老師比證據你睇,係想小朋友知道,老師係會講得出做得到,咁係一個好好既做法,有時家長會過分寵錫自己小孩,我女兒都是剛剛2歲,佢一早便入左育嬰園,做媽咪既當然好想知道女兒係學校既情況,我會用百分百信任既態度去睇老師每日比我女兒既評語,因為是你交小朋友比學校,等佢地去學習自理/飲食,如果每個家長都質疑老師做法有問題,好既老師會越來越少喇,你唔洗咁緊張,其實靖天都知道係自己唔0岩,咁就係一個好開始啦…
靖天媽,而家既小孩心理亦好叻,冇證冇據,又點可以說服呢班未來既主人翁呢?? RIGHT
唔洗太介意老師是否太過嚴厲,最重要係靖天明白,唔好[浪費] 就可以,仲有呀,靖天要當上姐姐,的確係要有個好榜樣呢? ^^
很獨到的理解, 也十分認同;
當然是有點難受, 教我為難, 老師似在傷害我們母女倆?!…. 好醜怪唷!
事後努力理解老師動機….
如你所說的, 應該是這樣吧……
這家學校, 我到目前為止, 還是百分百信心的!
茶點嘛…彤彤都唔愛吃…老師都有同我講,不過真係冇辦法,加上彤彤應該比靖天更挑食…
彤彤返得半日, 食少餐茶點無相干, 好快又放學…..
如何得知彤彤比靖天更挑吃? 又唔似噃!