『咱們仨』第一個親子功課, 完成了!

月初已經知道, 接下來的一個月, 學校舉辦了一連串的慶新年活動…

其中一個活動, 就是「親子新年環保花燈設計」比賽….

通告呢, 都是由媽咪收, 然後有用的, 重要的, 就再交給爸B查閱…

已經告訴了很多次… 要為靖天準備親子花燈…

.

當時的爸B, 是既興奮, 又高興… 『整咩好呢~~~ 要特別o的架喎!』

但媽咪的反應卻很冷淡…. 『不如唔好交啦, 咁鬼煩!』

親子….? 是真的會親子嗎?……

而且, 弄美術勞作, 一向都是媽咪極為討厭的, 好不容易捱到當年中三不如再讀美勞科,現在又要從新開始?

結果, 爸B一而再, 再而三的: 『整啦! 我同靖天一齊整, 唔洗你囉!』

那好吧……

.

結果, 截止交回花燈前的3天, 媽咪再提醒爸B: 『你記得同靖天整花燈喎, 得返3日咋!』

如媽咪所料…. 爸B是完全忘記這件事的!!!

到交回花燈前一天, 媽咪還是看不見父女倆動手… 『你係咪唔交架喇? 聽日DEADLINE喇喎!』

爸B: 『下…. 聽日!!!! 交呀交呀!!! 我地交架!』

.

結果….

爸B在公司找來了很多舊利是封, 花了半個下午….

完成了!!!

回到家, 打算給靖天再做些後期工作, 然後講解一番……

誰不知, 這天爸B媽咪都因為工作要加班, 遲了回家…

結果? 晚上接回靖天, 她都睡了!!!

後期工作制不了….

講解也做不了…..

第2天早上, 靖天看見花燈, 很是意外, 既驚且喜….

拿著花燈弄來弄去, 爸B卻心痛花燈幾乎被毀….

回到學校, 靖天不停跟老師說: 『個花燈我有份整架!!! 靚唔靚呀?』

實在難以令人相信……

看見某些作品, 是真正的出自小孩子手下….

而且是100%的環保….

媽咪由衷的欣賞!!!

.

親子…. 不親子……

只是一線之差….

像這次, 誰會猜到靖天9時多就在婆婆家睡了?!

連少少的”親子”工作都做不了…..

這個親子花燈, 是真的算親子嗎?

如爸B講: 『呢個係爸爸「親自」弄給女兒回校交功課的工作!』

就正正因為這樣, 媽咪一開始就不想參與!!!

下次的「親子功課」….

我們要多多努力, 為靖天多作準備了!!!

也許…. 媽咪應該要多些參與, 不停給爸B鞭撻一番吧?!

.

(227)

Comments

comments