奶樽……. 是時候跟我們揮揮手了嗎?

教養靖天, 總會受到靖天婆婆的影響,….

始終, 媽媽是值得信任的人, 而且她都湊了好幾個小孩子 (我們3姊弟, 2個表弟….)

大家還是”健在”的, 而且都是健康的!!!

.

當年介奶咀, 跟靖天婆婆研究後, 自己再努力一下 (有幾個晚上因為靖天扭奶咀而睡不好), 結果不用一個星期, 靖天就成功介了!!!

初初, 還打算將靖天掉到婆婆處, 待婆婆出手…. 只是, 媽咪比較「青出於藍」

.

當年介尿片, 先聽書本, 聽論壇說的, 18個月早早為靖天介, 結果失敗….. 2歲再試, 仍然失敗…. 然後婆婆一句: 『你想個女早介片只係因為你虛榮, 覺得咁樣好叻!』當頭棒喝….. 我們又不是付不起尿片錢, 怎麼老是急急的?

結果…… 約2歲半, 靖天忽然一句: 『我要痾尿尿!』, 自己將尿片介掉, 完全不用勞氣操心…. 數個月後, 連夜片也自行介掉…

已經半年了, 尿床, 賴尿的次數少之又少, 偶爾的幾次, 或是”等不及”, 我們都原諒她!

.

3歲了….. 身邊人開始又追問: 『靖天介奶未? 做咩仲未介奶? 仲用奶樽? 點解唔用杯俾佢飲? ……..』

靖天吃不好, 媽咪總是覺得, 一日1-2枝奶, 補充一下也好!

那用奶樽呢?…….

又似是不會成長的表現…….

虛榮心又來了!!!

然而….. 婆婆的建議: 『等小B出世再算吧… 你依家同佢介左, 到小B出世, 佢都好大機會要扮BB, 用返個奶樽…. 你細個咪係咁囉! 』

.

半年前, 靖天當時2歲半, 試過一次, 將奶奶放到杯裏…..

結果, 靖天喝了一口: 『呢o的都唔係奶奶黎既!』

原來, 奶要放到樽, 才算是奶…..

這天晚上, 爸B上班去…..

媽咪無所事事, 碰巧這天晚上, 靖天想要奶 (已經將睡前奶介掉良久)…..

然後…. 媽咪開了奶, 再將奶放到杯裏去…..

靖天看見奶奶在杯子裏, 很意外….

然後, 媽咪自言自語…… 『唉… 我覺得BB先會用奶樽, 咁第日BB都用奶樽架啦! BB先用奶樽架麻….』

靖天想了一會: 『我係姐姐黎架喎!』

媽咪: 『係? 係喎…. 您係姐姐黎喎, 咁您想用杯杯定樽樽呀?』

靖天: 『我用杯杯! 我都唔係BB!』

結果…… 成功了!

一連幾天, 靖天只要想喝奶, 媽咪都將奶倒到杯裏去……

初初靖天都很積極的…

怎料, 越喝越慢….. 越喝越慢…..

明明用奶樽, 5分鐘不用就可以喝光8安奶….

但換成杯杯, 15分鐘也喝不完…..

.

2星期後….

靖天更古惑的: 『唔~~~ 我想飲奶喎!!! 不如用樽樽丫, 媽咪, 你話好無呀?』    

如果媽咪多說兩句, 她又會用回杯子….

但我們想, 靖天還是選奶樽多於杯杯的…….

結果……

現在就隨她選…..

要是她主動的要求用杯子, 那就用杯子…

要是她想用奶樽, 就用奶樽好了…..

既然靖天都這樣彈性…..

媽咪也不再強烈要求她順從…..

且看看小寶寶出世後, 她又會否真的變回小BB…. 要人抱著吃奶咯?!

.

(638)

Comments

comments