坐月準備．產後代茶 / 代飲
產後身體會比較虛弱，而導致新媽咪身體吸收得比較差，
若在坐月期間飲白開水，身體便會出現胃脹、尿頻、便秘、腳腫的情況。
而代茶就可以在這期間加強新媽咪的新陳代謝，舒援身體不適的情況。
因此，一般新媽咪都會以代茶替代白開水，直到滿月為止。
上一胎產了靖天, 坐月的事務全交由靖天婆婆負責…
她要我吃什麼就什麼…. 飲什麼就什麼… 自己也懶得研究….
回想起.. 當年為了”落鹽” vs “落豉油”… 夾在自己媽媽和自己老公之間….
更記得…. 為了這麼一件小事, 我哭了良久….. 
.
有些時候, 其實我都偏向相信西方學說, 而且靖天婆婆已經有我們三姐弟, 理應經驗老到, 自己的媽媽都不信, 信誰?!….
還好, 第一胎後的這3年, 身體尚算健康, 只是「小病是福」…. 十分托賴!
所以今胎, 還是決定將自己交給靖天婆婆”打理”….. 
只是, 多找了些資訊…. 多做了些紀錄….
也許, 下月會用得著…. 
.
其實, 開刀之後根本就不能急於進補, 是因為怕係傷口因為吸引太多蛋白質而生肉芽; 此外, 當然怕傷口發炎之類…. 而靖天婆婆更建議連薑醋都唔好食… 雞酒, 木耳, 等也免問. 要補還是等傷口好了, 才慢慢開始;
結果, 我就每天由媽媽蒸雞(加紀子, 少量豉油), 還有清菜, 日日食白飯, 還有清雞湯…連續吃了30天!!!
這一胎, 應該都會這樣吧?!…..
.
只是…..
很想試那個『炒米茶』…..
希望真的比喝開水好…. 而且帶點味道的飲品, 似乎更合我心意!!! 
.
.
點解要飲代茶?
產後身體會較虛弱，屬體虛的產婦身體吸收會較差，若在坐月期間飲白開水，身體或會出現胃脤、尿頻、便秘、腳水腫的情況，代茶可加強新陳代謝，紓媛身體不適的情況。另外，產婦大多有胃寒的情況，時常口淡淡，飲用白開水會增加口淡感覺，容易「翻口水」作悶，飲用代茶則可改善情況。
傳統上產婦不會站著飲代茶，因為生完BB，有所謂「直腸直落」，子宮仍未復原比較鬆! 所以一定要坐著飲代茶! 而產婦一般都會飲用代茶至滿月為止。
.
「炒米茶」！
做法：將米放入乾淨o既鑊(白鍋=無需加油.加鹽))炒約10分鐘至金黃色，然後攤凍，放落暖壺or大保溫杯的滾水內焗半個鐘-45分鐘即可，可加去核紅棗/ 黑棗同焗。
.
紅棗炒米茶
材料：
去核紅棗二十粒、炒米兩湯匙、薑數片（註：剖腹生產則改用陳皮）
做法：
先將米用白鑊炒至金黃色，然後加入紅棗、薑、炒米以八碗水煲滾半小時即可飲用。
功效：
此代茶適合十二朝前飲用。紅棗有補脾和胃、養心安神、補血之效。
而炒米有暖胃作用，可幫助新媽咪吸收得更好。
.
桂圓薑棗蜜
材料：
龍眼肉３０克、紅棗３０克、鮮薑汁１湯匙、蜂蜜９克
做法：
先將龍眼肉、紅棗加五碗水煲成兩碗，然後加入薑汁、蜂蜜即可。
功效：
可消產後因氣血積弱而引起的浮腫。
龍眼肉有止血安神、益心脾補氣血之功效；
薑汁可散寒驅風、止嘔；
而蜂蜜則可補中消燥、解毒。
.
首烏紅棗合桃茶
材料：
首烏５錢、去核紅棗２０粒、合桃１
做法：
以八碗水煲滾即可飲用。
功效：
可幫助產後脫髮的情況，合桃本身則有補腦作用。
.
山楂飲
材料：
山楂５０克
做法：
以五碗溫水煲成兩碗，加人少許砂糖調服。
功效：
有清惡露，減產後腹痛之效。
山楂本身可消食積，散痛，而砂糖則有潤肺生津之效。
.
糖薑茶
材料：
紅糖２５克、乾薑粉１５克
做法：
將紅糖及乾薑粉加入溫水開服即可。（即沖）
功效：
乾薑粉有溫中驅寒之效，而紅糖則可補脾溫中、補血驅瘀；
對於產後腹痛驅寒有很大幫助。
資料來源：香港陪月界紅人職工盟陪月導師珍姐
.
(868)
我覺得幾好飲, 不過奶奶嗰陣是用糙米無用白米.
…… 我炒左白米呀!!!!!!
當年我都係飲紅棗炒米茶飲足成個月…
其實好無味既呢?
我姊整個月都沒喝過開水
的確 比我那時 好好多啊
噢, 真的???????
我本身熱底，喝了2天炒米茶已喉嚨痛。要小心飲用！
其他的就可以當水飲都得，但要注意糖份。
@.@ 乜咁大鑊………
謝謝分享啊!
哈哈…謝謝你的分享!!我到時唔使煩搵資料!!
呢o的資料好易搵架咋
好勤力的媽媽呀!
最近忙着找資料吧!
就快生喇,增磅成績點呀?~加油呀!
一定能生個足磅的BB嘅!
不是啊! 只係想記低o的重點, 方便日後找回咋;
還未知增磅如何… 有點兒緊張
係呀…唔好飲水, 好多風喎 !!
我2胎都係開刀..20日清惡露後就食薑醋, 補品, 偒口埋得好靚, 冇肉芽…
btw, 有個產後食譜,開刀都啱,都係網上揾的,有冇興趣 ? email我
飲水會有風架咩? @>@ 我唔知……..orz~;
薑醋我本身係唔食架, 上胎都無食, xxdxdxd
我有幾份食譜架, 看看你呢份我有無? 我找你, 謝;
我入院那天我媽媽已為我煲定炒米茶加果皮,等開刀生完係醫院即刻飲得,暖胃加驅風,好快有屁放,因開刀院醫生第一次巡房就問我有無屁放,因原來這事很重要的.
真好, 我媽係唔識呢o的野…. orz~;
係呀, 有屁放即係你既腸開始fucntion麻;
糖薑茶我mami間時都有煲架…
事關我間中訓教…
手手腳腳太凍會凍醒….
飲左幾日真係會暖dd…
桂圓薑棗蜜好似幾吸引…
等我叫我mama試下先…
HAHAHAH…
薑茶我唔飲到住呀, 不過放呢度, 第日好搵資料囉;