,

靖天弟弟? 靖天妹妹? (續)

Picture
我相信．．． 這個男人, 絕不會是重男輕女的人!

半年前, 打了一篇….. 『靖天弟弟? 靖天妹妹?』

過去的半年….

實在令我感受良多…..

遺憾的是, 在”弟弟” vs “妹妹”的分享上….

原來仍有大部份人, 是存在著”性別歧視”的!

.

有一次, 同事問我… 是囝囝還是囡囡….

我細細聲的答: 『係囡囡黎架!』

然後, 知道我有一個大女兒的同事, 面帶尷尬跟我說: 『哦…. 唔好唔開心啦!』

我有說我我唔開心嗎?!

.

有一次, 育有一子一女的朋友, 連番追問我是囝囝還是囡囡..

我又告訴她: 『係女黎架!』

然後, 她臉立即變了, 還很認真的跟我說: 『喂! 講真架! 真係追多個, 搏返個仔啦!』

知道她的老公都是重男輕女, 我說: 『哎呀! 我老公都唔係呢o的人!』

然後, 她又說: 『男人把口係咁講…. 邊個男人唔想要個仔丫~!』

無言……. 以對…….

.

有一次, 走到診所為小寶寶登記疫苗注射, 護士又問我今胎是囡囡還是囝囝…..

我又告訴她: 『今胎都係囡囡呀!』

然後, 她又很不好意思的: 『哦…. 唔緊要啦!』

我有說我, 生兩個女兒有問題嗎?

.

有一次, 在嫲嫲家吃過晚飯, 太嫲嫲問爸B, 是男是女…

爸B答: 『女黎架!』

然後, 太嫲嫲就反問爸B: 『點解唔生個仔o者?』

坐在一旁的媽咪, 都聽得一清二楚! emotion 

難道生個仔, 可以多分一份身家??!!!  emotionemotionemotion

.

上一次, 當大家知道靖天是個女兒兒, 都表現得很興奮很高興….

這一次, 大家都失望了………

還記得….

公公只看了小寶寶兩眼…. 連抱都沒有抱過……

傻姨也是淡淡然的… 舅父也是……

.

有時, 我會想….

如果這個是小男孩, 情況會變得不一樣嗎?

.

生男仔…. 生女仔…..

真的這麼大分別?

面前的老公, 目前為止, 仍然是『生仔生女無所謂』….

也許, 若干年後, 他都變得老土保守了…..

要是有一天, 他都怪我沒有為他生一個小男孩幫他繼後一下…..

至少, 我身邊還有兩個, 我很愛, 很愛, 很愛的女兒!!! emotionemotionemotion

.

(1149)

Comments

comments

一般留言 (74)

  1. sam sam

    靖天媽媽,努力呀,我陀第二胎時都曾經像妳一樣辛苦到難以形容,情緒低落,但記得每日都對着鏡子大笑三次,個人會開心些,時間很快過,有很多blog友等待BB出來呢…..

    恭喜晒靖天媽媽, 因工作實在太忙,沒有時間到妳個Blog看, 現在才得悉妳第二個小寶貝已經出世,真替妳一家開心,並祝你們幸福快樂.

    我都係兩個女, 確實在此期間有好多以為自己好心而做壞事向妳亂表達個人意見,聽得多有時都會有D不是味兒嘅感覺,但其實有兒女及能健康地成長巳經是上天賜給我們的一份福氣,仔女都好,我哋曾懷胎十月嘅感受特別深刻,與父親不同.應彼此體諒.

    回覆
  2. 車仁

    有同感, 我都係2個女,當我生完細女時,好多人都問,會唔會生多個?追個仔? 嘻嘻,生2個已經係完成計劃,其實生仔同生女都係一樣,最緊要係 bb 健康成長,孝順,性別又有何分別.
    (不過講真,我都覺得女係會貼心點,sweet點.呢 d 算唔算”性別歧視”呢 :D)

    回覆
  3. Wai mummy

    I support girls, so sweet!

    回覆
  4. wongcc

    唔好介意別人嘅說話，最緊要自己和老公鐘意。仔又好，女又好，健康就得啦。

    回覆
  5. Flora

    d人真係好衰，難得爸爸都說不介意，仍要說將來他可能會介意！過份！
    生男定女，責任在男方度架！

    生女好，同媽媽close d，我like生女！

    回覆
  6. Wendy

    我都好中意2個女呀!!! 可惜我老公唔想再生多一個, 搞到我得一個女, 哈哈.

    回覆
  7. maichu

    我生兩個仔，一樣成日比人問追唔追多個女；又或問我點解今胎唔生女。人就係甘得意，問埋d無可能既問題。我無理，個人覺得兩個同性別既小朋友會close d，做父母既又可以慳d，幾好！

    回覆
  8. Vicci

    雖然我覺得生仔生女都冇所謂, 但係比我選擇我都想生女多D哦。:P

    回覆
  9. yan

    是自己的”寶寶”,是男是女絕對沒問題!

    回覆
  10. melmel

    Chona :
    唔駛理佢地啦…生女係福黎架！
    你有冇聽過：生仔好聽，生女好命呀 ^^

    很有意思~~

    回覆
  11. 大細S媽

    好明白你,因為我都係兩個女,所有情況都同你一樣,但係當年老公講左一句:仔同女都係流住我D血,我一樣咁錫~到而家佢錫妹妹仲多過家姐,做到父女/父子好講緣份,唔係生到個仔就一定錫到燶,無緣份做到父女/父子都好似陌路人…
    唔好理人點講,只要兩個囡囡健康快樂,一家人開開心心就可以了~我自己係咁諗~
    題外話,更難聽嘅我都聽過,當年爸爸個朋友嘅媽咪(佢生左5個仔,最後個果終於生到個女)知道我肚入面果個都係女,佢同爸爸講左句:乜你生唔到仔架咩?爸爸即時同佢講左句:如果生仔真係咁好,點解你死都要追返個女呢?我唔同你,只要係自己嘅就會錫,仔女真係咁緊要?我唔覺喎…..

    回覆
  12. gladys

    老實說,外人一向唔需要理會,最重要自己同老公鍾意!

    回覆
  13. stephanie

    癡線的，我自己需然是生仔，但我覺得生女好，妳睇下自己同呀媽幾close！生仔又睇下會唔會？好好休息呀！唔好再想埋d唔好的野，笑下啦！

    回覆
  14. 進媽

    我相信爸b應該唔係呢啲人,佢唔似囉!其他外人就唔好理佢啦!至於其他親人,應該係對咁細個bb既新鮮感無咁多,先無咁熱情ja…我都恨生一囝一囡架,但如果兩個都係囝,我都一樣咁錫!囝唔一定好,囡唔一定乖,係咪??

    回覆
  15. 小丑魚

    我個人認為女兒還會親近父母多些。

    回覆
  16. dordor

    我都有歧視~~我有一個女,如果生多個保證都係女我就生!hehe~~

    回覆
  17. 聰媽

    現在的男人都變了…
    聰爸多喜歡囡呢 ….
    21 世紀了 ….
    老人家就體量一下 (不會轉變的思想)
    young boy (爸b) 相信佢好追得上潮流呢
    哈哈

    回覆
  18. chelsea's mommy

    actually, my husband likes my daughter more than my son! and i am the same way too. just don’t let my son knows..hehe!

    回覆
  19. Chona

    唔駛理佢地啦…
    生女係福黎架！

    你有冇聽過：生仔好聽，生女好命呀 ^^

    回覆
  20. 芷賢媽咪

    其他人諗咩野, 控制唔到, 最緊要你們自己無所謂, 我身邊咪又係有人同我講, 你追多個生個仔啦! 其實生仔生女咪一樣咁錫, 咪又係十月懷胎生既, 所以…唔好為人地唔開心呀!!!加油呀!!!

    回覆
  21. blwong

    兩個囡囡，不知幾好，撐你！

    回覆
  22. CYRUS MA

    不用理人怎麼想!我自己不知幾想有個女呀!

    回覆
  23. Hello

    Girl is better. I have a boy. If I can choose the sex, I want a daughter. As a daughter by myself, I love and know how to show my care to my mom more than my brother.

    回覆
  24. Eva

    好有同感啊！當我有咗第二個嘅時候，每當有人問起，知道是妹妹，絕大部份人都以憐憫的眼神對我說唔緊要啦，或是用鼓勵的語氣說追多個啦，激死 （就連素未謀面的售貨員，餐廳接待員都好似好同情我)！喂喂，佢唔會因為係女仔就變成多餘架！我哋好愛妹妹啊！

    回覆
  25. 卓宏媽媽

    有血緣就得啦….最緊要身體健康,健全就最感恩,將來懂報答父母恩呀!!!!!!

    回覆
  26. 樂先生 / 幸小姐.

    我家也是我和妹妹2個女生.
    我父母說女兒也是自己的. 生仔生女有什麼分別?
    他們都相信生仔生女. 是一種緣份!
    不過我嫲嫲很想我媽生個仔. 我爺則比較疼惜孫女們!
    結果我嬸嬸生了仔.(我堂細佬)
    嫲嫲明顯很疼惜他. 特別是他小時候.
    但他開始長大. 人當然會比小時候壞.
    而且讀書都不比我們幾個孫女的好.
    所以嫲嫲的偏心開始少了!!

    靖天媽媽. 別對這件事太上心.
    只要把小寶寶教好. 她乖乖的話.
    大家都會疼惜她的:)
    而且女生大部分都比較愛家的.
    你生小寶寶是因為你.爸B.和靖天. 不是為了其他人呢!

    回覆
  27. 希樹

    其實生仔生女都無所謂，最重要是寶寶身體健康，快快樂樂地成長~

    回覆
  28. 靖萱媽媽

    2姊妹感情比起2姊弟好好多架. 係d人膚淺先會覺得一定要有個仔呢. 而家好多家庭都係女顧屋企多d, 又會關心父母多d. 坦白講, 連我老公都係對我屋企人好過佢自己屋企架. 你話係咪生女好啦.

    p.s 我自己有一個女

    回覆
    • brfamily2008

      靖萱媽媽 :
      2姊妹感情比起2姊弟好好多架. 係d人膚淺先會覺得一定要有個仔呢. 而家好多家庭都係女顧屋企多d, 又會關心父母多d. 坦白講, 連我老公都係對我屋企人好過佢自己屋企架. 你話係咪生女好啦.
      p.s 我自己有一個女

      呵呵, 我都覺呀!

      回覆
  29. B0nnie-橦橦媽咪

    我自己都係2個女..
    我覺得最難受既並唔係今胎係女唔係仔..
    而係旁人既說話

    回覆
    • brfamily2008

      B0nnie-橦橦媽咪 :
      我自己都係2個女..我覺得最難受既並唔係今胎係女唔係仔..而係旁人既說話

      是…. 真的很難聽!

      回覆
  30. 爸B

    Chona :
    唔駛理佢地啦…生女係福黎架！
    你有冇聽過：生仔好聽，生女好命呀 ^^

    我鐘意呢個, “生仔好聽，生女好命”!!!

    回覆
  31. EvanMaMa

    靖天媽媽, 我都撐你!!! 我不知幾羨慕你, 比我有得揀, 我都想生女。但無論係仔係女, 只要係自己生嘅都一樣咁錫! 其實依個年代, 我就話”有女=多個仔”, 我媽咪以前都好耿耿於懷生咗我哋3個女, 但佢依家都覺得好自豪, 因為我哋個個都好心歸, 成日都返去探佢陪佢。唔洗理其他人點睇, 最緊要你一家開心就夠啦!

    回覆
  32. 小車

    恭喜! 妹妹個樣好似家姊!

    有個陪,始終係好d…

    回覆
  33. 兩子之母

    其實我覺得唔關重男輕女事(除了老人家外), 基本上只要你兩個小朋友都是同性別的，都會遇上以上的問題。 我有一個仔，即將會多一個細佬，其他人知道不是女兒，都係會同我講唔洗介意或叫我唔好失望等說話。 無論我怎樣解釋我其沒有介意，他們還是覺得我很介意，所以如果你真係唔介意，又何必想太多呢?

    回覆
  34. 豬豬"

    靖天媽媽;生女唔緊要架;最緊要係佢聽話!我媽咪都生左3個女呀^v^
    你咁辛苦生佢落黎;我真係覺得你好叻架”
    我媽咪生左2個家姐之後就有左我;但我爺爺想要女仔;;結果呢…個個都話叫媽咪落左我;再生多個男仔!!!但係我媽咪冇放棄到我呀!!!!到左依家;個個都冇乜野呀;仲對我好好;)
    所以你唔洗唔開心架!!!因為你仲有一個錫你既老公仔嗎xd
    可能過多排…佢地見到靖天既妹妹咁得意,咁可愛!!!會好錫佢呢#v#
    加油呀;;;我支持你架;)

    回覆
  35. winnie

    年代不同了, 現在的人都很想生女呢(包括我自己…). 我有個朋友生了兩個仔都再生多個全因為想生個女.

    仔又好, 女又好都是自己懷胎十月生出來的, 別人是無辦法體會到那種幸福的…所以不用太介懷人哋點睇.

    回覆
  36. 青

    我都想要2個女呀…>.<
    我好羨慕你呀

    回覆
  37. KELLY

    生仔生女無所謂x2
    而且都唔係我地決定 xdd

    回覆

發表留言