『咱們仨+1』的第一張….
咱們的第一張合家照
只是用IPHONE自拍出來的!
質量並不好!
但看到咱們的『第一張』
有點激動……
這就是咱們的新生活….
.
未來的日子
媽咪發誓
一定要多拍幾張合家照!
.
一家四口的感覺
很特別
有時會很忙 (靖天沖涼 vs 巧B又沖涼)
有時會很窩心 (靖天 vs 巧B 睡在一起)
有時會很激心 (靖天發脾氣 vs 巧B不停扭計)
有時會很擔心 (靖天的濕疹 vs 巧B的奶量)
.
喜、怒、哀、樂
都是Double-Up的!!!!
.
每天都穿插在兩個女兒之間
他與她
其實都感到有點點力不從心
像照顧到一個, 另一個又給忽略了!
.
沒有工人姐姐
沒有鐘點姨姨
沒有公公婆婆爺爺嫲嫲
就只有爸B, 媽咪, 靖天, 和巧藍
才十多天
已經深深明白為何人家會”請工人”
.
我並不知道爸B是否能承受下來
但作為2個女兒的媽媽
我是由衷的感到滿足和充實!
縱然那種「辛。辣」會讓人發瘋
但看著兩個小女兒
似乎付出什麼, 都是值得的!
.
辛苦
就是等待有天兩姊妹可以手拖手
一起玩!
.
辛苦
就是等待有天兩姊妹攬著我
一起逛街買衫做FACIAL!
沒有付出
怎會有收穫?
.
爸B和媽咪
都會多多努力
給您們更多的愛
.
.
同場加映
甜睡中的巧B~~~
.
(206)
加油呀 !!
我都係無請工人，我返工時就公公湊，夜晚放工回家食完飯，公公婆婆就返屋企，我自己一對二，有時都真係幾頭暈，但乖既時候，都真係好窩心既 !!
不過我最慘係無得成日周街去，以前放假自己帶住阿仔去街無難道，但以家多左妹妹，一拖二真係非常困難，老公又唔係成日放WEEKEND(佢放平日架)，所以變左成日都係屋企咋 !!
希望妹妹快D大個，一拖二出街EASY D ! (但又會唔捨得佢咁快大…….HEHE)
Rainbow, 你們真是好利害，自己一個湊2個，我自己都冇請工人，不過就有婆婆幫手，不過辛苦好快就有成果，好快2姊妹就攬住鍚你呀
都唔係日日如是….. 話曬坐月中……..
不過遲O的就會多點照顧2個, 唔知搞唔搞得掂呢?!
一向都覺得你很強…自己一個湊兩個真係不易但你所付出的將來一定會有回報的. 加油呀,Rainbow!
我都不求什麼回報, 但求兩個小魔怪聽教聽話, 身體健康就好了;
巧b個樣同靖天好似呀!
靖天媽媽,你真係好勁呀!在沒有工人和親人幫手下都攪得店,勁!!
我依家同樣都在坐月,我媽幫我幫bb沖涼,家務都有工人幫手,但只是喂b和頻頻換片已經令我吃不消,不過同你一樣,我都會努力,你都加油呀!!
我都係坐月呢個月有媽咪幫下手….
下星期開始幫2個沖涼, 諗起就擔心;
大家一齊加油啦!
咁你之後返工, 邊個照顧兩個女?
我….. 或者婆婆囉 ^^
哈哈..睇我就知啦..雖然我有工人姐姐幫手,但每晚收工後買餸回家…就冇停過手..有空既時候已經係 10:30PM 喇..所以妳地要+OIL呀 !
你嚇到我好驚呀, 嗚……..
我都係冇人幫..
自己湊2個..有時真係有d力不從心既感覺
完全理解呀!
嗯 ….
期待的日子 總會 來臨
現在就辛苦一點吧
第時 行街 叫埋我喎
我得一個仔 .. 無女陪我呢
heheee
哼, 聰兒咁多老婆仔, 我怕到時唔得閒理我2個女咋;