靖天的自理能力。洗澡記 [4歲2個月]
終於…. 真的獨立了!
很久之前, 靖天已經會自己準備衣服, 最經典的一次, 是全身連內衣都是粉紅色的, 就攤放在床上, 然後洗澡去…
靖天會自己穿衣脫衣, 已經是很久以前的事…
媽咪一直協助, 因為濕疹的原因!!!
每次洗澡後都要塗上大量的CREAM, 這個步驟, 靖天還沒有做得好!!
.
上年, 曾經試過教靖天自己洗澡, 小妮子做到, 只是媽咪擔心, 而且頭髮長長的, 她就是掌握得不好…
為怕她弄出”塞那”來… 還是放棄好了……
雖然, 當時的靖天, 表示很想「自己來」…… 
又過了半年…..
一天晚上, 媽咪又PAT PAT痕, 叫靖天自己洗澡…..
清潔身體, 已經一早做到, ….
靖天用的是「彩虹皂」, 要她將皂擦到海綿上, 至起泡, 這動作, 還得要1-2個晚上才做到 (最初她就是擦極都沒有泡泡走出來)….
然後, 全身要擦至起泡, 被媽咪檢查一次, 才收貨…..
沖水, 整理好企缸, 再抹身出來…
穿衣服那些, 已經不用再擔心…..
.
除了清潔身體, 還需要洗頭…..
最初, 媽咪協助, 讓她自己來, 再提示哪些位置沒有擦泡泡…..
第一晚, 靖天半推半就的, 勉強完成… 怕了那些泡泡, 手又不夠長幫忙自己… 
第二晚, 靖天主動要求, 媽咪在旁觀察, …. 洗好了的那刻, 還露出沾沾自喜的眼神
第三晚, 媽咪已經不用再理會…… 會洗頭水, 準備洗澡東西, 調好花曬的高度, 她自己開始…… 洗至一半, 媽咪走進去看看, 又聞聞她的頭髮… 勉強合格吧… 頭頂還是應該沒有擦夠泡…..
.
就這樣…..
靖天開始了自己洗澡, 自己洗頭的小里程咯!!!!
說真的, 真的輕鬆不少…..
因為女兒可以自由控制洗澡時間, 自己完全搞掂, 不用媽咪協助, 那媽咪又可以偷出那十數分鐘, 弄晚飯, 或是”處理”巧巧…..
.
並不知道, 4歲學洗澡洗頭, 是否學得太慢, 又或是過份保護….
但一如以往, 準備好, 就做了….
這感覺, 比起刻意教, 然後又要自己勞氣, 來得自然舒服….
.
待靖天再大一點, 要教她煮飯, 洗衫, 洗碗….
千萬樣家務, 等著她咯!!! 
.
(136)
靖天可以咁獨立, 又肯賞試 ~ 真係可以輕鬆不少!!
我都要好好訓練吓阿仔先得啦!!
真係輕鬆左….. 佢又自由左, XD
靖天真係好叻女，好肯學和做。
佢最鍾意做”家姐”麻, 哈哈
但一如以往, 準備好, 就做了…
YEAH!
其實真係唔使刻意教，我仔仔比靖天細一年，大半年前的熱天佢已經自己沖涼兼洗頭，佢係用花灑由頭沖到落腳，到宜家已經駕輕就熟!
勁呀!
千萬樣家務 XDDDDD
YEAH! 當然
靖天好叻女！我最佩服佢什麼都肯試，又唔怕水。那時教佢洗頭真係一個大挑戰！
佢BB時怕, 跟住俾我淋到佢唔怕, XD
好叻呀…彤彤仲係用緊盆仔沖涼..又未識自己洗頭…唔知幾時先識呀…
教兩下就識了, 唔難