驚險的48小時~ (下回)
事出突然……賣俾人, 就賺一大筆, 但下一步係點係完全無打算; 唔賣, 又好似好戇居…….
於是就拿拿聲搵地產睇下附近的放盤…….
原先打算租, 搏佢2-3年跌市我地又入貨, 點知agent話同屋苑3房既單位租緊8xxx仲要極少盤, 我即刻say no……. (痴線, 我買左個單位供都唔洗8千啦!!!)
跟住就一心睇賣盤……..
睇中一個, 無得頂!!! 680呎連天台隔離屋苑……. 一見到個天台已經發曬癲…… 再問價, 癲無可癲……. (業主開235!!!)……. 打個折都要226頂盡…….
跟住返屋企左計計右計計, 然後老細話供得起, 但以後無得食壽司…… 我唔制架!!!!!!!
跟住死死氣睇返同屋苑3房753呎……. 第一個係銀主盤開168高層…… ok啦, typical間隔囉, 但o的房極細, 最忟係……. 無境可言, 入到屋好似住左板間房咁…… 再睇其他座數同呎數, 高價但都係無view……. 極度失望囉!
最後agent帶我地睇左個704既單位開168…… 個景好得, 成個市中心望曬……
其中一間房大到可以裝4枱麻雀……
可惜……. 當年我地買呢個單位時, 都有睇過704, 當年賣緊11x – 12x…… 好啦, 3年前唔買, 3年後今日先走去以168買…… 會唔會真係超低能?!
咁都算啦, 高賣, 都高買架啦……. 
咁咪再問有無得再傾個價…… 點知個agent再打去問, 佢竟然話原來個業上個星期申請左破產…… 呢度變左半銀主盤…… 要入紙同破產官申請先賣得……. 仲要破產官話到價先俾賣;
嘩, 大佬, 洗唔洗咁邪呀…… 半銀主盤咁都俾我撞到….. 我第一刻感覺係: 好唔老黎囉!!!!
然後就心思思, 心思思……. 咁o岩買家個agent打黎催…….原來同一日佢地睇左隔離座同單位, 人地肯減廿幾萬肯以125萬成交……. 借意就迫我地做決定…….. 咁諗住返屋企換返件衫就囉去收票……..
點知都係囉囉亂, 打俾個妹問下 (佢做呢行, 知價丫麻)…… 好衰唔衰…….俾佢篤爆左我, 其實淨係鍾意呢度…….. 仲叫我唔好為左錢放棄間屋; 佢一講, o的眼淚就湧出黎……. 
其實係, 真係好唔捨得間屋……. 當年第一眼望到個單位, 就已經好鍾意……. (想當年, 老細揀單位足足搞左成年都睇唔o岩, 唔係佢唔like就我唔鍾意…….) 難得入到呢間屋大家一望就愛上…….. 然後, 又花左好多時間心機去裝修間屋……. 算不上豪宅, 但真係住得好舒服….. 
一住, 就住左3年……. 第一次同男仔同居 (茶實唔係同居, 我地夾份架麻, 哼), 跟住結婚, 跟住生小靖天…… 都o係呢度發生……. 話無感情, 真係呃人!
就係咁………. 我地就決定唔賣層樓, 安於現狀……. 老細繼續玩佢既相機, 我有我繼續做我既facial…….
一句鍾意, 何價?! 唔多…….五十萬咋麻!!!!
究竟係千金難買心頭好? 
定唔賣就走寶?
正所謂……是福不是禍, 是禍躲不過…….
係你就係你, 唔係你, 要左都怕無命洗……
(108)
決定唔賣o刺?! 貴賣貴買….都講得啱~
既然間屋咁有紀念價值, 安於現狀都好既. 我哋又可以繼續做鄰居~
我既情況唔同你, 我而家嗰度無咩裝修咋, 又低層, 所以就想換啦~
如果俾我都會賣左佢再轉間大,因為始終d錢係賺返黎,加上遲d你女女大d用既地方都會多d!同埋我一直有追開你d post,希望你唔好怪我多口,我見你話你老公226萬既樓都供得到,可能要辛苦d,而家就輕鬆d,不過佢可以玩相機你可以做facial,其實你係可以做全職媽咪湊女女,但係咪你同老公都唔可以為女女放棄一d奢侈生活呢?因為我見你有提過話好想可以做full time mami,又話好想同女女一齊成長,我自己係過來人,希望你諗諗啦!
其實知你兩公婆都鍾意買0野,如果你唔做0野全職媽媽,自己少一份人工,第2時仲要問老公拎錢買0野真係唔係幾過癮囉!雖然而家係少d時間對住靖天,不過各有各好囉(我覺得),而家搵多d第2時一樣可以留俾靖天用呀
我層樓而家帳面都升左50萬0架,不過賣左冇屋住..個囡唔知點算…..哈哈
helen你好, (唔會係我識o個個卦…….)係好想做fulltime mami, 老公係有能力養埋我……..但佢批死我極度大洗, 加上我無野做就會煩住佢, 所以佢又唔ok囉,,,, 呵呵!!!如果我係一個知慳識儉既老婆, 我估我老公好樂意養埋我……….
你又知…………………… ~.~
賣乜鬼…… o的盤都入唔到手……