首試: 芒果布甸 併 老火湯
因為一o的事, 令到c6覺得, 我無盡到做人老婆既責任~~
咁又係既, 生左靖天後, 真係少左好多時間理佢, 有時佢有野同我講, 講兩句心肝喊, 我又掉低佢一個就去搞個女, 搞掂個女, 可能又要餵奶, 整彩虹牌…..
晚晚訓同一張床, 可能都發住唔同既夢…… 
難得今日有時間, 心血來潮, 就決定獻出我既第一次, 整甜品!!!! 
因為自己唔鍾意食, 加上唔想c6越食越肥, 所以都唔會特登去學, 不過既然佢有微言, 咁就破例一次啦….. 
网上教整芒果布甸既食譜真係多不勝數, 但個個教法都唔同, 都唔知點好, 於是我就諗起一個人…… 林師奶…… 
事關佢o係我心目中係….. 一個極度犀利既美女廚神, 連咩鳳梨酥都識整……. 真係好鬼癲!!!!
於是第一時間msn佢啦, 點知…….. 可能呢個甜品太簡單, 林師奶話已經太耐無整, 所以都唔記得~~~ 
不過佢好好人, 即刻搵左佢朋友既卜俾我, 圖文並茂講曬o的step, 一睇就明, 正!!!!! 
食家評語: 好味好味好味!!!
菜乾煲豬骨…..
加埋c6指明想飲既菜乾煲豬骨湯….
大個女都未煲過呢隻湯, 
因為我根本就唔鍾意”菜乾”….去到街市又唔知邊度有得賣…. 最後俾我搵到..唔係唔洗煲;
煲左30分鐘跟住放入真空煲 (無計, 我成日唔記得睇火) 跟住焗佢2個鐘, 跟住再囉返出黎煲多幾個字, 調味, 再焗下佢……. c6話我買得太多菜乾, 入味到爆, haha~~~ 不過c6個湯變左…….. 濃味湯喎, 因為太多料….. 
有得飲就飲啦….. 真係c6黎架!!!! 
老公, 唔好再話我………喇!!!! 
(428)
就係有滋仔虫仔煲湯先夠野味呀~~ 哈哈!!!
你好變態……….
加油加油~~整多d就會愈來愈好啦!!
Benny:我地好似唔係星期六0黎喎,你有冇搞錯呀?記鬼錯??!!係就一定要整啦,我覺得滿記發記都唔好食喎!不過我都整過mango布甸,屋企人都話好食,哈哈
bowbow:你d菜乾又落得真係太多啦,少番d啦!不過我好怕煲菜乾,因為好多滋仔虫仔…怕怕
車, 你都冇問…我係怕麻煩的人, 正如我唔會買西洋菜煮一樣, 洗好麻煩,好似洗極都唔乾淨咁囉
西洋菜係我飛佛黎架…….
ar…… 我廚藝唔係差架 (以前家政既烹飪堂考試係A架), 但就係唔識煮飯咁囉, 哈哈!!!!!!!
至於是否出得廳堂, 我有點兒保留…. ~.~
係超級阿茂, XDXDXDXD
終於…….有人認同下我. 嗚嗚……..
唔知c6睇唔睇到…….
留言先留言先!再唔留言就俾C9話我無睇架啦!哈哈!!
著實同C9你咁多年黎, 真係好似一味甜品都未整過~ 不過一整就”超晒班”啦!!!
好味好味!! Maggie, YY, Cathy, 等星期六再叫rainbow整俾你地食呀麻~ 試下我有無講大話啦~
不過人人口味唔同, 有人覺得滿記好味, 有人覺得發記既好味, 但我就覺得晴記既最正! 因為有勁多花奶!! 呵呵!!! I Lovin’ it! 至於菜乾湯, 我都係俾下意見啫~ 哈哈!! 其實都好好飲架啦~ 各位靚靚既C9, 今次C6絕對無炸型!!! 十分滿意!!! 多謝晒靚媽你既一番心機! 收到收到晒!!!
Remarks: (下次記得放少少2-3扎仔, 再放新鮮大白菜, 加多幾粒蠔豉) 呵呵!!!
嘩~ 喺你個卜讚我係美女廚神, 真係誇獎誇獎~
我只不過係一個初班阿茂啫~
芒果布甸,我要我要.好似好好味.哈哈哈哈!
入得廚房出得廳堂
唉!自問廚藝差.
我依家都好少下廚啦, 好心地男人啦, 有得食咪算啦, 你估要返工又要湊b真係好多時間咩
芒果布甸?? 我鐘意呀, 幾時煮比我地食先?
我都好鐘意飲菜乾湯, 但唔好放太多菜乾, 放少少2-3扎仔, 再放新鮮大白菜, 加多幾粒蠔豉仲好味, 下次試試啦
我生左之後, 都冇乜埋C6, 自己都覺得自己幾衰, 成日覺得要湊仔就大晒, 要反省反省! 煮野就真係大陣仗左D(自己怕辛苦), 想每星期陪下佢去打波補數!
我生左之後, 除左冇乜點理C6, 重成日吵大鑊! 尋晚又吵完一鑊! 今日兩個人都扮無事囉, 唔係點. 我都覺得自己幾衰, 但湊女又好辛苦, 咁點喎…
呢個咁好既老婆要加分啦~
d布甸望落去都覺得好味呀!!
真? 我對住食譜整會好o的……. hehehehhehe
佢不嬲都係無乜記性, 原諒佢啦;
你又會整架? 咁我整咪顯醜????? kekekekeke
好多……. 蟲仔…… 唔係麻, 你依家先講?