第2次煮粥記~~~
再接再厲…. 瘦肉粥!!!!
第一次煲得咁成功, 當然係好大既推動力我去煲第2次啦~~
前一晚買左瘦肉, 然後洗米用熱水浸過夜等佢發好, 跟住第二朝就囉出黎煲, 咁就會好快煲到o的又入味又綿既粥, 唔會搞好耐都係一粒粒咁….
個製成品, 都唔太差o者……
然後加少少baby food, 坐返暖佢, 撈埋, 咁就合曬靖天既口味喇!!!
雖然baby food加粥真係好怪相…… 但好過佢一啖都唔…. 聽日睇下有無機會, 唔落babyfood, 唔知靖天對純瘦肉粥既程度又有幾大呢!?
靖天, 食完瘦肉粥, 不如等媽咪煲魚片粥過您吃呢?! 不過唔好俾靖天婆婆知啊, 佢唔俾我煲呢o的粥你食架…….. shu!!!!!~~~~~
(186)
瘦肉粥上次不太成功, 因為我覺得就算搞碎晒之餘我自己再整成茸, 但一煲時就會一舊舊咁, 雖然都好細但對哲哲來講都仲係比較大舊, 我諗佢食得冇咁舒服
點解靖天婆婆唔比靖天食魚粥呀? 驚有骨?
魚粥有益喎……煲啦煲啦~
(不過小心起骨:P)
靖天媽媽, 可唔可以講下, 你點煲瘦肉粥架? 我昨天煲鯇魚粥比敏堯食, 佢唔係好食~~~ 可能食慣99煮個 D~~~
你都好有心機, 放假都專登o甘早起身煮粥粥比靖天食!!
鯇魚腩大啖肉，骨又容易搵。可以試試。
魚粥對bb好好架…又好味, 又有益!
係喎, 太細唔好食魚喎
我呢篇野有寫啊……..
都唔係既……..
都得喎………..
所以我咪唔會搞醉囉, 因為我唔係要佢食肉麻……