『咱們仨』與3小K的聚會 [準備篇]
對上次….. 都好幾個月前咯….幾經辛苦, 先約到可以4小K聚首一堂~~~
日子竟然係…..重~~~陽~~~節~~~
今次地點又係咱們仨屋企啊… 難得朋友們唔嫌遠都肯上黎, 我地當然要好好招待一番啦;
本來初初都話叫美心到會, 後尾同爸B商量完, 好似整o的簡單小食都得得地喎, 既然我地都處理到, 加上我又好想食大閘蟹…..問過大家都無反對, 於是就決定玩下煮飯仔啦~~~
好快咁用左手頭上既圖, 設計左個餐牌… (好鬼無聊…..)
不過佢地唔知我咁白痴架~~~
因為星期一要同爸b去上堂, 所以唯有星期日就去買左o的材料先…..
巧似巧緊張咁….. 梗係~~~ 好耐無煮過”大鑊飯”….. 巧驚唔入得口啊….
基本上都無乜難度, 係走來走去有點兒攰 (全日揹住靖天 + 落
, 勁頂癮)…. 但係朋友話想食芒果布甸…. 咁咪整囉, 都無乜所謂既~
點知搵勻成個新墟街市都無芒果, 百佳, 惠康, 都無… 問埋carman 粉嶺有無 (諗住去佢度BB蕉順便買埋麻) 明知係唔當造, 但又唔想令大家失望…. 最後死死氣o係citysuper買左2大隻芒果… 承惠30個大洋…… 肉到赤埋…. 
諗住算啦, 買到有得整, 理應巧開心, 巧滿足…..
點知第2日去99度食飯, o係佢樓下個街市見到有2檔生果檔竟然有得賣.~~ 仲要25蚊, 20蚊有4-5個….. 仲要都幾令…… 激死我喇!!! 
明明上星期睇過係無, 今個星期去就見到咁多…..
依家唯有寄望我買既芒果係超級好味, 如果唔係…..
唔知道, 會食剩幾多野食啦…….希望唔會太難食啦~ 
(281)
我想學~
凍蟹(係咪就咁蒸熟&雪凍),
柚子沙律(應該用咩材料),
白汁三文魚(個汁係點調教)
唔該晒!!
好多好野食呀
hehe~
我好期待我地既bbq呀;
我book左場啦, 好期待
D野食好似好正喎~
可唔可以教我點整呀?
芒果而家唔係”當造”, 都幾難搵哦~
我星期六整果撻, 都有諗過用芒果….不過搵唔到…..
辛苦晒你同benny啦, 聽日我唯有不停咁食黎答謝你地啦, 嘩卡卡卡
bowbow,benny,辛苦晒,鍚晒你地~~~
蝴蝶街市有幾檔呀………
你話架…………..
唔水客氣……..
你想整邊樣呀?
我msn教你丫….
全部都勁easy~~~
me2, 未出發先興奮