其實…靖天係囡囡黎架~~
每次出街, o的姨姨, 嬸嬸, 見到心肝都會大大聲話: 哎啊, B仔你好得意啊!~~
然後我就會細細聲話: 係女女黎架…. 
咁多個月黎, 已經見怪不怪… 有時同佢著埋裙帶埋頭COOL, 都會俾人話係仔….
雖然靖天無頭髮, 都唔係中性得咁交關麻……
o個日去bbq, 已經特別幫靖天著返件士多啤梨衫….. 都似似地女仔架啦…
點知Andy哥哥見到心肝就話: 『著到咁, 你真係想當佢係女咁養喎……』
此話一出….. 我真係r曬頭…. 心諗: andy你講咩呀~~~~
『下,……. andy, 佢係女黎架喎……』
登時嚇到呢位Andy哥哥呆左一呆….『唔係丫麻….我一直以為佢係仔黎架~』
真係唔知講什麼好…….
同事, 我生完都9個月啦, 連我生仔定女都唔知….. 你想點….. 
(155)
我唔覺得靖天似男仔者﹐可能你朋友比較唔係太識分BB至會咁講﹐唔使理佢﹗何況D老人家話女仔大個同細個兩個樣架﹐遲下D頭髮出番留長就好女仔啦﹐係咪﹗
係啦…….. 靖天o的頭髮又真係出得好慢…….
haha, 有時都有人話啟仁係女仔, 但係我d朋友個個都話啟仁好man, 都唔知點解咁都會睇錯
啟仁似女仔…….. 咁man…….唔係fa;
搞錯! d人係咪發雞盲呀?
唔緊要, 我都成日被人問我彤彤,e,囝囝0黎0架!! xyz$%#&…….
靖天對眼又大又圓,唔似男仔喎
講真, 靖天又真係……好似男仔….
我覺得, 彤彤先似女仔喎;