落馬州 VS 羅湖

從前, 有個c9仔, 約左2個朋友仔返大陸玩….

約好左o係羅湖等, 去到上水, 朋友仔打黎同c9仔講: 『我地到左喇, o係出閘前o個間7-11等你….』

c9仔心諗:  『羅湖閘前好似無7仔架….. 』但c9仔一心諗住自己搞錯, 所以無為意…

去到羅湖, 如c9仔所想, 真係無7-11, 於是就打俾朋友仔睇下係咪自己搞錯….可惜, 係無人聽…

c9仔開始忟忟地, 因為已經比原先約既時間遲左半個鐘, 去到羅湖又同朋友失散左…. 點算好?!

等了又等, 終於等到朋友仔打黎….. c9仔再三問: 『你地真係o係羅湖?!』問左十幾次, 朋友仔都話係…. 既然係咁, 只會諗, 可能真係自己搞錯… 但真係唔知點解同一個地方會見唔到大家… 於是又約左o係中國關口等….

正當c9仔過左香港關口, 朋友仔就打黎….. 話原來佢地o係落馬州…..

點解會去左落馬洲? 因為依家港鐵有2架火車, 一架去羅湖, 一架去落馬洲, 朋友們一直無為意, 落左車, 只係以為站頭裝修過….. 到過左關, 先發現, 原來自己身處落馬洲….

結果, c9仔一個人過曬關, o係羅湖城等佢2個朋友仔由福田打的過黎……

終於, 比原先時間遲左個幾鐘, 先開始”今天行程”…..

滿心歡喜既c9仔, 未開始行程已經俾朋友仔搞到無曬心機… 算啦, 咁耐無見….

點知………

午飯後, 朋友仔話想去修甲, c9仔唔修就同令一友人去左行街, 仲約左5點o係地鐵站等….

c9仔準時5點o係地鐵站會合朋友…. 可惜呢位朋友仔….. 又遲左差不多9個字先蒲頭…

會合後, 晚餐時間已經係晚上既6點半….. 呢個時候, c9仔其實已經好想好想返屋企… 身邊不停出現大大小小既bb, 小朋友, 令c9仔好想回家, 抱抱佢既心肝…..

朋友仔意興未盡, 都係想去揼一揼….. c9仔未敢拒絕於人前, 再一次…….

最後, c9仔 o係晚上10點半極速上左黃巴士返香港, 可惜, 回到家已經係晚上11時半….

入屋第一件事就係親親佢既心肝……

整頓好心肝, c9仔感到萬分歉疚……  掉低左自己既寶貝女, 走左去俾人”舞”… 無奈中, 但點點兒忿怒……

全日, 好似咩都無做過…. 只係”陪”上”陪”落…..

未試過上東門, 一件衫都買唔到…..  失敗中既失敗…….

還好, 做左一個好舒服既按摩….. 朋友仔都未有”媽媽聲”話唔好….

因為工作, c9仔不得不放下心肝給婆婆, 今次係c9仔第一次因為”玩”, 而掉低心肝… c9仔同自己講: 唔會再有下次!!!!

(55)

Comments

comments