『咱們仨』初到深圳灣口岸
深圳, 好耐無見呀……..
對上次返祖國已經差不多係5個幾月前了…… 返慣返熟的我們, 當然對祖國十分思念… 
深圳灣口岸通車咁耐, 因為太近蛇口, 一o的都唔"就腳"….. 上到去又要轉一輪車先可以去我地地頭….所以一直都無機會試…..
本來大半個月前好左橋橋媽咪帶佢上去兜返轉…. 奈何天氣一個星期比一個星期差, 加上靖天上左幼潛後星期六已經變得唔得閒….. 搞搞下不了了之…..
不過越諗就越想去…. 又適逄爸B做錯事…. 
所以呢…..上星期日既下午, 縱使天寒地凍落住毛毛雨, 我地都照樣無有怕….. 
極速用左20分鐘搞掂所有野準備出門口… 出發前不忘影返幾張….
住大西北最大既優點係北上超方便又快捷…. 沒有午睡的靖天, 疲態盡現…..
以為走左車有排等, 點知原來計錯數….. 一陣就有車咯!!! 
用左大約30分鐘就到左口岸……
聞名已久的深圳灣口岸~~~~ 超大呀!!!!!!!!! 
同老公仔影返張合照先… 
等左陣, 橋橋一家都到了….. 
本來一早取消左"我們的約會", 但臨出門口前, 見到橋媽在線, 當然問一問呢…. 唔好賣甩佢地麻….
話咁快就到深圳…… 地方超空曠….. 又好鬼凍…… 
不過靖天訓左陣既靖天, 還算精靈!!!
根據林C奶既分享, 我地要坐#245去"目的地"…….. 
等下影下, 好快有車… 多人去就有呢到好… 時間過得特別快~~~!!!!!
上左車, 又未開車, 我地又影過……
已經好耐無坐"國產巴士"….. 感覺… 迫左… 因為多左小魔怪…….
我地第一個站 (南油酒店) 就可以落車, 以為好快, 點知兜下兜下, 都差不多成10分鐘先有得落….. 
落車後, 就會見到"執左笠"既南油游泳場…
過左對面馬路左轉一直血前行就係我地既目的地: 沃爾瑪
係推住bb行得慢…. 唔覺唔覺都行左成十分鐘…. 
好彩都無當失路…
傳說中既沃爾瑪… 多人到丫…….
不過好鍾意行國內既超級市場, 因為會有好多得意野….
好多好多"旺旺"… 仲有紙盒裝奶粉!!!! 
行完沃爾瑪, 就走左過對面商場 (好似叫花園中心) 打左個圈….. 然後大家都話肚餓.. 就決定提早食飯…… 
二揀一, 都係食返大漁…… 150個大洋一位唔洗加一任食鐵板燒, 又確實係好抵食既…
(右下圖): 炸雪糕…………. 好味好味!
最愛"鐵板式蒸蛋"…….
靖天: 『媽咪影完未呀…. 快o的餵我……… 』可想而知o的蒸蛋真係幾好味!!!
靖天吃烏東!!!! 鐵板燒喎….梗係食得津津有味!!!!
呢間大漁位於海岸城, 天虹百貨附近… 側邊仲有個好似"太空館"咁既菠蘿包….
佢地鍾意用A-B-C座… 加埋方向…… 認真仔細!!
食飽飽諗住去打個圈….. 原來夜晚呢度仲靚….. 感覺好大, 好舒服…… 
"海岸城"對出既空地…. 又真係幾靚……….
可惜…. 靖天入唔到鏡…… 
傳說中既家樂福… 俾我地誤打誤撞搵到……
爸B在推銷什麼…..花生… 什麼….. 好搞笑!~~~
家樂福對出有間studio, 內有"小型遊戲室"… 靖天看得入迷….爭o的就走左入去…..
玩到夜晚9點幾, 咱們回程了….. 好多人等車啊!!!!
今日既手信…… $1.95枝既康師傅…. 唔洗3蚊既百力滋…. 2蚊人仔既維他奶…
仲有10蚊唔洗既旺旺米餅…. 埋單承惠… 40個大洋… 唔洗………
下次帶個喼上去推返幾箱貨仔落黎賣都仲得!!!!
又發現個"新蒲點", 得閒真係可以上黎食個tea, 買下野食……. 仲要咁方便…..好過出旺角呢….. 如果搵到"骨場"就無得頂!!!!
[如相片未能觀看, 請Refresh 重新整理一次, 不好意意!!! 
]
(514)
海岸城….點去呀？坐地跌邊個站出？
嘩~~~好正呀!靖天都好開心喎, D零食超平啊!!!掃D返黎先得, 香港真係冇咩好行啦~~
我好少返祖國架, 可以同言爸傾下下次個旅程先~
我老公一定唔夠膽上…佢成日覺得好危險..
唔危險啦, 安全過你出旺角, 呵呵
d野平成咁? 好驚呀~~
睇字都覺得好正 .. 可惜 … 睇唔到相啊 !!!
睇唔到相??????????????????????????
睇番晒啦 !!
我都想再返去掃下貨~
我都睇唔見有D相啊~
未食晒 , 7788啫, HAHA~
海岸城….新景點喎!! 我未去過呀!!
搵日去打過轉先~
非常同意, 屯門人北上真係快過出旺角o架!!
還好還好……. 嘻!
咁快食曬喇?ｘｄｘｄｘｄ
哈哈… 咁得閒又可以上去囉, 咁方便
係? 哈哈
我聽過幾次, 但俾我誤打誤撞搵到, 嘻!!!
唔驚…好正常o者
係呀, 我地去深圳灣好方便架咋…..
做左回鄉証未先? xd
佢附近無地鐡站架……
一係坐巴士 / 的士去的