靖天上學了@ Best Concept [第1周報告]
星期六的中午, 收到Ms Ellen的電話.. 是關於靖天的報告啊!
2009/07/13星期六的中午, 大約上完堂個半小時… 收到BC的電話… 心一寒: 唔係有咩事麻?!
係Ms Ellen打黎, 想同我講返靖天呢日上課既情況…….
有妒忌心…. 例如同佢換好片, 再到第2個小朋友時, 靖天就會唔鍾意, 會扭下… 但當Ms Ellen叫佢幫手攞住片/紙巾, 佢就會樂意幫忙.. 這個情況是可以接受的, 因為這個年紀佢地會好EGO, 唔鍾意分享, 亦都唔明白要分享….
畫圖畫時會用蠟筆, 水彩, 左右手都會試用, 所以暫時未知道是左手/右手為主導, 力度不夠, 宜多練習
對音樂和顏色 (看圖書時) 都會比較敏感
一起工作: 淋花 (讚!) 
一起工作: 插魚骨, 都插到幾枝
玩一個Muscial Box時, 都可以自己扭動發出音樂 (讚!)
茶點時間食餅仔只係每塊咬左一個小角, 俾Blueberries就不吃, 只用手篤爛佢; (建議買o的”啪啪紙”俾佢玩, 一來可以訓練佢既前三指, 二來可以等佢分辨什麼可以篤, 什麼不能)
看圖書時, 對一些”動物書”興趣大一點
會主動會一些小事情, 例如用完的紙巾, 會主動掉進垃圾桶 (讚!)
在分離方面 (獨立上課) 是有進步的, 進度亦可以接受, 多給一點時間是沒有問題的!
(問起靖天是否喊得最大聲), Ms Ellen話靖天其實那種不是”喊”, 只是”叫”下… 好似想俾人知道: “我仲o係度架….. 抱下我啦”…. 所以對”分離”一項暫時不用太擔心, 如果真係唔適合, 佢會著靖天大一點再來~~~!!! 
聽完Ms Ellen既小報告, 十分安慰心肝遇到一位如此細心耐性的老師…. 在老師的報告中, 有讚, 亦有機會點… 始終靖天只係上了短短的3課, 連Ms Ellen都話佢仲係好細… 著我不用太擔心, 明顯地, 媽咪是心急了… 在期待靖天的進步, 不過還是要叫自己慢慢來….
====================================================
細問這個年紀的小朋友是否一定會有Terrible 2, 因為發覺靖天也開始踏入這個層面, 未知如何處理為佳….
但Ms Ellen話歲半寶寶只係處於一個”無政府狀態“… 意即自我中心強, 未能完全接受”分享”, 世界只有她/他自己……
到2歲幾, 就會踏入Terrible 2, 這個年紀的小朋友只係想大人明白自己, 俾人知道”我o係度呀”…. “聽下我講啦”…. 成人看在眼裏, 就會覺得小朋友好曳好反叛……
又再次細問上回靖天”搶玩具“事件… 竟然Ms Ellen話唔應該等小朋友自己解決, 要即時介入…. (咁.. 以前Ms Daisy同埋邱老師唔係咁講架喎!!!!!!) 
Ms Ellen解釋, 即時介入才可能幫到雙方小朋友, 等佢地明白同知道成件事….
我亦無需要事後同靖天檢討, 因為佢地咁細, 講返以前, 佢地會好抽象, 用詞亦都要留意 (失禮, 醜怪, 曳) 呢o的都係好抽象, 反而用一o的實則証明, 例如玩具爛了, 顏色花了, 等, 俾小朋友見到, 就黎得更有意思, 小朋友亦都更容易消化!
【咁如果佢地唔願意, 喊, 扭計呢?】都係要介入… 因為要佢地學習等待, 如果唔願意等, 就嘗試用第2 o的野分散佢注意…. 至少, 要同佢嘗試”等待” ……….
其實聽完第一個感覺係: 點解同之前o係兒童無限講既咁唔同既?
自行解決 VS 即時介入…
真係爭好遠喎……..
有一刻衝動想同Ms Ellen “理論”, 是因為自己也同意Ms Daisy 佢地講, 俾小朋友學習處理..
之後同爸B傾返Ms Ellen既建議, 再細心分析返… 或許Ms Ellen所講”即時介入”係如果小朋友持續”搶玩具”, “打人”, 就無需等待而即時處理….
好多時小朋友搶玩具都係一個搶, 一個就放手… 咁情況又其實唔會造成什麼真正的”搶”…..
而這個假設成立的話, 那Ms Ellen跟邱老師所講既, 就會不謀而合…..
是有點兒混淆, 著實蒙特梭利又真係好似唔會教我地後人點樣處理兒童糾紛… 所以呢… 可能各方老師都加入左其他兒童教學既元素, 也沒有一定的對與錯…..
也許, 下回靖天爭玩具, 又可以試試Ms Ellen的方法… 看看靖天反應如何啊~! 
(354)
只係返左 3 堂 … report 顯示靖天都有唔錯既表演啊 @@
Good good ar @@
係口頭報告黎咋…….
book report要等3個月先有架…
我都以為靖天表現好, 原來只是一場空;
其實每個所謂專家/老師/教學方法真係可以好唔同, 我自己會每種都吸收下, 再留意自己小朋友旳性格來混合教導. 以我愚見就覺得没有一個教法是最好的, 唯有按著他們格係去著手會比較容易啲.
不過, 因為你對蒙特梭利的鐘愛, 所以我都多留意了, 他教學確實都很有參考價值.
其實係架, 不過兩位都係蒙特梭利老師, 但講既都不一, 令我好confused, 誰是真正的”蒙特梭利”方法…. 咁囉~
謝謝你的”收看”呢;
間野好似幾好喎~ 有report~
會幫你跟進度, 幾細心架!
幾好喎真係！個report好仔細呢！
老師真係幾細心….. 如果個個星期都有觀察報告就好咯~!
d老師又真係幾細心…所以靖天媽咪也不用太擔心.
講起搶玩具, 之前看了本書關於EQ的書, 其中一篇是關於手足之爭…它的建議也是不應介入, 原因是好戲上場要有觀眾及孩子之間有他們的遊戲規則…
我自己都覺得如果不牵涉到任何打架情況都會prefer等佢地自己去解決…
這裏的老師著實令我幾安心, ~ :)
至於搶玩具問題…. 唔~~~ 所以都唔知點咁~!
其實靖天已經好好嫁啦, 唔好對自己太苛刻啦….
對於搶玩具問題, 我prefer即時介入多啲, 因為如果唔理佢, 由得佢, 咁佢會唔會唔知自己唔啱, 而第日變本加厲呢? 如果佢次次都係一搶, 人地就放手咁點算呢? 咁佢咪以為自己做得啱law…..
不過搶玩具係baby既必經階段…..可能好快已經唔會再發生呢!
sorry, 純粹個人意見, 因為每一個baby都唔同, 處理方法都有異, 只係大家分享下
所以真係各有各好, 各有各想法….. 有少少矛盾未知點攞平衡點…
對於搶玩具問題, 我都係prefer即時介入啦….因為我兩個女都係噤….她們都很會和人分享….自小我都介入…之後講一大堆道理……我知道她們會明白的…
謝謝你的分享啊! 呢個係實則例子呢;
靖天真係好叻! 佢同我個仔同一個月出世點解可以叻O甘多…..
間O野好似幾好O甘噃….心郁郁都想比呀仔試吓…不過學費好似好貴O甘…
靖天不叻架, 你太誇獎了…
可能靖天再大一點, 比較成熟一點吧…… :(
計時薪, 不貴, 但堂數多…….所以lumsum大咁囉… :(