前一晚因事搞到好夜好夜好夜先接返靖天…. 去到婆婆家已經聽到佢扭計, 見到我地, 就喊到收唔到聲….

返到屋企諗住餵過奶就訓了, 誰不知靖天就囉囉亂的, 想訓又訓唔著….. 見她周身”R”, 就知是濕疹作怪, 搞到佢不能入睡…. 幫心肝搽cream又搽cream…. 斷斷續續, 差不多1點先入睡…. 已經好耐無試過了…….

第2朝一早起身, 收拾好, 靖天都醒下唔醒…. 抱起她就出門口了….. (衫沒有換, 奶沒有餵, 片沒有換, 一心諗住出到九龍先做… 好讓靖天多睡一會)

然後… 上到車, 又係醒左…..  在車上食奶, 換衫, 換片….. (當左自己屋企?)

沿途已經不停同佢落藥, 話陣間要返學, 搵Ms Ellen, 要同媽咪講byebye….  靖天看著我, 若有所思的, 時而問佢好無, 佢會答好; 時而問佢得唔得, 佢又唔會出聲…..

準時到達中心, 咁o岩有朋友返學, 開左門口……. (時間: 08:55)

呢個時候, 靖天終於醒覺…. 要與媽咪分離了… 然後, 就喊起上來… 仲不停拍住心口嗌『驚驚~~驚驚…』

抱起她, 安撫她, 還是哭著的……

喊還喊, 還是要交給老師~~~~ 我著靖天將手中拿著的小銀包, 給老師, 請老師食糖, 心肝收了半下聲, 將銀包俾老師… 呢個時候我亦順勢將靖天交給老師……

再三提醒靖天我會站在此門口等她出來, 同佢講再見後, 老師就抱她進課室了~!

等電梯其間, 我聽到靖天已經收聲了….. 沒有再喊 (咁快手?!) 

是有點兒高興… 靖天沒有係咁大哭, 仲收左聲… 咁神奇?! 難道真係成功了?!

同爸B吃過早餐, 又坐住咁等靖天…… (時間: 09:40)

上下网, 等下, 就10點多……..

大約10:15, 都想靖天可能穩定到, 就攞本書出黎溫習下…. 點知才剛打開書, 就收到Ms Sara的電話…..

出電梯已經聽到靖天喊了…… (但沒有大叫啊?! )

按門鈴, 就見到老師抱著靖天…

心肝這一天, 又哭得眼腫腫的…….. 心又有一陣刺痛…..

靖天見到我, 沒有再哭, 一轉手就要我抱了…..

細問助教老師 (今天沒有見到Ms Ellen, 有點兒掛住~!) 靖天的情況… 老師話….

其實佢開頭無乜野架, 入到課室一陣已經收聲了… 教佢生字, 教具既名稱, 佢都會聽, 畫圖畫都會試… 只係中途都會喊幾聲, 又停落黎咁……

到臨尾, 大約10點多就喊得比較犀利, 我地今日唔想佢喊咁多, 所以就提早要你接返佢囉.

『佢係咪仲喊得好犀利, 成日喊個個?!』

又唔係好犀利, 不過佢仲係初初返, 係預左會有呢個情況…. 同埋隔左幾日, 都唔會記得上個星期返過學, 所以喊係正常的….

老師還向我講解下圖那個貼貼的堂課…. 是靖天做的啊! 很窩心呢… 心肝有堂課喎!

最後, 心肝還是會跟老師說再見~~~

關門口, 心肝又回望門口, 指著, 講左幾句BB話…. 問她是否想再入去, 心肝竟然想了一想, 才擰頭……  也許, 心肝是喜歡這個地方的, 只是, 也想媽咪陪著吧?!

一路上, 我也努力鼓勵靖天, 希望明天她會做得更好…. 再問她明天再來上課好麼? 心肝又想一想, 若有所思的, 然後說了一聲『好』!

才上到巴士一會, 靖天就睡了, 也許, 昨天晚上的實在睡得不好, 影響了表現吧?!

 === 第4堂堂課 ===

靖天的小圖畫:
今次畫多左, 有層次左, 仲好似大力左 (都是媽咪的感應), 可能是因為用了水筆的原故吧?!