靖天: 『媽咪, 你覺唔覺得我做o靚模更適合呢?!』

踏入第3周, 已沒有什麼大起大落的感覺, 改為周記式, 感覺不用太冗長……….

2009年7月23日 (星期四), 又雨又晴

準時9點到達, 明顯地心肝已經記得要返學, 亦都要同媽咪分離…..

剛巧有幾位小朋友都到達, Ms Sara幫我接手, 靖天竟然主動跟我揮手 (似是說再見)….

如果當時老師關上門, 心肝就不會哭起來了…… 就因為心肝見住我離開, 結果就叫起”媽咪”上來……. “媽咪……”, “媽咪”……. 動聽, 如果不是在這個情況下….

沒有收到電話, 10點45分已在門外等候靖天…… 差不到到11點正, Ms Sara就開門, 第1個出來的, 還是靖天……

看她雙眼紅紅的, 還帶著淚水, 知道哭了….. 又換上另一位助教老師, 加上大串家長在排隊, 沒有多問就離去……

呢一日靖天又換上衣服, 老師話佢嘔奶………..

離開後一直囉囉亂想知道靖天今天情況, 結果中午打返BC搵Ms Ellen…..

Ms Ellen話佢應該係喊得太犀利, 就嘔出來了 (下…….. 未試過架喎……!!!)

又話今日仍然好痴身, 不停喊…. 但因為唔想成日放心肝早走, 所以老師單對單的抱著, 氹著, 拖長一點時間……  Ms Ellen話靖天其實可以唔喊的, 她亦可以控制到, 但她還是選擇哭!!  也說出如果一星期只上3天課, 能夠學懂獨立 (唔喊)的時間需長一點, 如果上5天課的, 平均需要2個星期)….. 然後媽咪屈指一算, 2星期, 即10課, 如果1周3課, 即需要3個多星期….. 變相, 靖天呢個月, 其實都會這個樣子…..

早知係咁, 媽咪下個月就安排你返5天課, 現在太遲了……. 希望心肝多出一點力, 8月份的課會上得好一點吧……..

2009年7月24日 (星期五), 陰

踏入第3個星期, 靖天還沒有適應好, 媽咪卻適應下來… 沒有多餘的忐忑, 只想那2個小時收不到電話….

落車後的靖天著爸B抱後, 竟然同我揮手BYEBYE…. 知道要返學, 要BYEBYE了?  又唔洗咁早…….   去到樓下還是由媽咪抱著 (怕變了爸B, 上到去, 又大哭起來….)

出電梯後, 我借意著靖天拿著後備衣服交給老師分散其注意…. 靖天也乖乖的拿著衣服, 站在等候開門… 只係開門後, 她的雙腳就好似痴住左咁… 點都郁唔到…  最後還是要我抱起她….

不過呢一日, 靖天沒有哭, 沒有扁嘴, 被老師抱起後, 就乖乖的走進班房……

看見靖天沒有半點扭計, 我更安心的離開了….

坐到10點45分, 就到門口等候…… 在門口還遇上2位IC的校友.. 一位外婆就扁曬嘴說IC不好才轉到此處, 一位媽媽原來已經上了IC6個多月 (勁呀!) 然後排到這處就轉到BC…. 還有一位媽媽, 不知道IC是什麼…. 只知道朋友說BC好, 就帶寶寶到這… 唯一共通是: 大家都認為Ms Ellen是一位超棒的老師…. 寶寶們俾Ms Ellen抱過就停口了, 實在神奇…. (Ms Ellen真係好鬼靚, 又斯文, 又高, 成個麻豆咁….. 媽咪都想多看她幾眼呢~! )

終於有一次靖天是跟所有小朋友一齊放學….. 開心死我咯!!!

還擺左烏龍…. 正當媽咪不停望向中心內找靖天時, 靖天原來已經跑到我跟前… “媽咪”…. “媽咪”…的叫著, 我都聽唔到…. 直至Ms Ellen示意靖天已經在我腳下, 我才發現心肝!!!  唔巧意思啊, 心肝…. 鬼叫媽咪對眼咁大咩….

見到Ms Ellen, 即刻問問靖天情況….

『佢今日好乖…. 好好呀!!!! 只係入課室那刻叫左兩聲…  全程無喊無扭計, 茶點肯食, 好多工作都肯做….. 今日真係好唔同… 我都唔知佢點解會咁~~~ 』

嘩…….~~~~~~~~~ 好勁呀!!! 我的心肝!!!!!

跟住快快樂樂離開, 仲跟靖天買糖糖, 是承諾的兌現啊!!!!!

等候巴巴時, 靖天還不時跟小貓say hi…. 趁車未到, 跟靖天用手機拍了幾張照片….

食住糖影相……..

靖天: 『得未呀? 我食得糖未呀?』

早上出門時, 著靖天找一對鞋子, 結果…. 佢攞左呢對CROS俾我…..  著住襪, 又著到咁.. 似咩?!  實在不想叫佢揀完又嗌唔好….. (橫掂肉酸土包O個個又唔係我~! )

可能教導靖天基本知識同時, 可能都要加入一O的時尚潮流資訊….

靖天的品味….. 認真麻麻~~~!!!

2009年7月25日 (星期六), 陰

等了又等, 終於等到爸B”短週”….. 如常起床梳洗, 不同的是, 可以舒舒服服的坐車車出去~!

早上起來的靖天狀態並不好, 也弄得大家不太開心……

一如所料, 出電梯後已經扭喊… 借意請靖天按門鐘分散其注意 (成功!)

今早詩詩老師親自接收靖天….  靖天看到是詩詩, 似乎也安定了, 著她玩得開心點…. 已經從我手中轉到詩詩老師處….

不用獨個兒渡過, 時間自然快一點…..

這天是靖天第2天跟大顆兒一起下課……… 出來的, 更不是她最先!!

看見Ms Ellen, 當然捉著她問問靖天學習情況……

今日表現OK呀… 呢2日都好唔同, 叻左好多啊…. 不過經常需要”Attraction”… (即係引人注意), 尤其是佢需要幫忙時, 就會半叫半喊著, 可能是因為她還未懂得說出來 (說話不靈光)…. 所以都仲係詩詩”一對一”咁幫佢……

(茶點肯食麼?) 肯呀….. 不過水就… 好似無;

佢仲識叫我個名… “Ellen”…. “Ellen”咁叫住…..  (當靖天需要幫助時….)

(其實本星期我在家已經沒有開電視給她, 未知靖天的專注力有否改善了一點?) 其實前日佢喊我地開音樂, 都幫助唔到, 呢2日直情無開, 佢都無不安情況, 如果是因為家裏沒有開電視, 那靖天的表現十分理想, 進步得挺快啊! (其實Ms Ellen講的是靖天需要依靠聲音穩定情緒, 就本星期Ms Ellen發現, 靖天對聲音/音樂的依附少了… ) 至於專注力問題, 下星期我再多留意一下;

今日放學發現, 同班的小朋友, 似乎都比較高大….. 也就是比較年長……

似乎也比靖天大上至少個多月 (從她/他們的言語, 行為已經知道)….

難怪Ms Ellen成日話靖天好細, 好baby呢………

 ==================================

第3周, 靖天3天的上課都沒有收到老師來電, 亦都可以等到11點才放學…. 是一個十分大的進步….

踏入第8課, 靖天返學入門口時已經沒有哭, 入到課室也沒有…. 是很令媽咪鼓舞的…

還記得星期初, 媽咪還懊惱靖天唔知幾時先唔喊…….

希望踏入第4周, 心肝的表現繼續穩定下去…. 再慢慢學習”脫離依附”….

雖然靖天是比較年幼, 但也希望她可以好好把握這些小時間, 努力著….. 媽咪在等待您獨立工作的一天啊!

(348)

Comments

comments