靖天上學了@幼潛 (16-18個月) 第7課
靖天: 『除左學術上, 我對運動都好有潛質架~~~~』
上午上完BC, 跟爸B左游右游, 游到差不多2點才上堂… 靖天睡夠了, 情緒也比較穩定點!
練習一 – 講故事 (專注力訓練)
今日講既故事同戒片有關…. 一講就係5分幾鐘…
初時靖天都十分專心聽住張姨姨講故事, 去到一半…. 已經想離開…. 走左一圈, 見到大夥兒都仲好留心, 又走埋黎繼續聽….
感覺心肝既專注力比早幾個月多了, 可以坐定定聽故事的時間長了, 雖然只是一點點, 也是一個小進步…..
練習二 – 貼貼紙 (手眼協調)
在BC貼, 在家也貼, 樓下的看更姨姨又成日俾貼紙, 心肝當然無問題, 只是….. 咁細粒, 點貼?! 
結果粒貼紙左手痴右手, 右手痴左手…. 好不容易才痴好…. 心肝還是要加緊練習吧!
練習三 – 行樓級 + 誇欄 (平衡力)
先上五級, 再落2大級, 跟住走上障礙物, 再誇欄, 完成!
行樓級對靖天來說已經不是一個難度, 不過落樓梯就是一個小難度, 如果樓級太高, 就需要扶住了!~!
這天靖天不用張姨姨扶著已經能走上五級, 還可以自行落下來, 成個動作可以自行完成, 連張姨姨都讚靖天的大肌肉比上一個課程進步多了!!! 
入到課室, 張姨姨已經問媽咪是否出trip,…… 不去了, 去唔成了~! 搞到好似我呃左佢地咁… 
好唔好意思啊……….
今課靖天用心多了, 可能因為休息夠了, 可能因為早上的BC已經慢慢適應, 可能有媽咪陪上堂…..
還有3堂, 希望跟住落去靖天都可以穩定一點吧~! 
(201)
好羨慕你哋可以帶女女學咁多嘢！
外國的生活不像香港般, 唔上倒也怪怪的!
靖天進步多了啊 !!!
對啊, 是進步了啊.
前排買咗d貼紙俾梓朗貼, 點知佢貼貼下就”貼”咗落口度…好後悔細個無帮佢度過口腔敏感期, 佢依家總係鍾意咩都放落口度…
btw, 靖天媽也不用太介意啦! 你又不是存心呃佢地, 最緊要問心無愧…
唔緊要, 依家幫佢渡過也未遲…….
貼落個口度…. 咁痴住左講唔到野囉? 哈哈
對, 我不是有意的, 希望她們明白
靖天都好留心吖!
你地出街係點暗靖天瞓覺架? 嵐嵐宜家去街係唔肯take nap…到左dinner時就扭計, 好難攪! >_
靖天都係呢堂留心多左, 早幾堂好曳的啊!
其實靖天平時出街, 好少會發狂的扭計… 到適當時間她總會休息一會, 可能15分鐘, 可能30分鐘, 也可能是平常的個多小時.. 所以我們都不擔心帶她出街……
有些時候我們會刻意安排休息的時間.. 如出發後上車, 她就會安睡一會… 或者差不多時間要休息了, 我們就回程 / 找個地方坐咁.