我．你．他 ?! [24個月篇]
靖天: 『夠鐘我自然會講架啦, 媽咪你洗乜咁驚喎!』
我、你、佢。。。
靖天一直都搞不好…..
媽咪:『俾你丫!』
靖天: 『俾你呀!』
媽咪: 『唔係呀! 俾你呀~』
靖天: 『俾你呀!』
媽咪: 『咁俾我呀~~』
靖天: 『俾我呀!』
.
靖天: 『食埋塊餅, 諗清楚再講過!』
媽咪: 『請你食餅丫!』
靖天: 『請你食餅!』
媽咪: 『唔係呀, 你食呀!』
靖天: 『你食呀!』
媽咪: 『咁我食呀…』
靖天: 『我食!』
.
這些我 / 你 / 他….
怎樣教?! 媽咪頭痛了!!!!
跟Ms Ellen談過這個問題, 老師只告之不要理會, 讓她大一點就會”變通”了….
這又其實跟媽咪課堂上學的”不會逆轉“有點相似… 意指這個年紀的小孩, 很難做到”將兩事相通起來”….
就是”我”其實可以等於”佢”…
“佢”又可以等於”你”…..
然後, 媽咪每次只輕輕的提點, 沒有刻意教導….
.
2010年01月15日 (晚上)
媽咪: 『老公呀, 你搵返條布俾佢啦!』
靖天: 『搵返條布俾我呀!!』
媽咪聽到… 特意再說一次…
媽咪: 『搵返條布俾返佢啦!』
靖天: 『俾返條布我呀!』
成功了!!!! 
.
靖天: 『都話要講無難度咯! 依家信未?』
又是一個”得來全不費功夫“的教學…..
有老師提點真好!!!!!
.
晚上…..
媽咪: 『靖天, 早抖!!!』
靖左: 『媽咪, 早抖!!!』
.
1個月前…. 情況是…..~~~~~
媽咪: 『早抖靖天!』
靖天: 『早抖靖天!』
媽咪: 『唔係呀, 你應該話”早抖媽咪”架!』
靖天: 『早抖媽咪!』
.
女兒, 這些雞毛蒜皮的小事, 媽咪看在眼, 很窩心啊!!!!
多給我一點小驚喜吧….. 
(137)
我都覺得…時間一到，小朋友就自自然然會識嫁喇！
係呀…….
有時真係急唔黎既, 嗚~
佢哋聽聽下就會不知不覺學識了…靖天真係好叻既啦, 咁快就掌握到…
係呀, 真係聽下聽下又明左少少.
佢邊係叻呀, 我教左佢好耐架喇!
靖天好叻呀！曈曈比佢大, 不過而家仲係你、我、佢都未分得清楚, 真係唔知點教。
善意既糾正, 唔好話佢錯…. 係老師既分享….
希望對你有用?!
成長中的靖天 ..叻叻
多謝!! :)
對佢哋來說,呢啲代名詞真係幾抽象架!
那時瀅瀅都係咁,我仲記得佢係識分”你””我”先,”佢”就遲一點才學懂。
呢啲唔實質的嘢,我都覺得好難敎,所以我都係由得佢,等佢大個啲就自然會識啦^^
代名詞….. 我自己都搞唔清….
所以好意外, 靖天能分辨到一點點….