靖天: 『知唔知點樣可以令媽咪無咁痛呀?』

前陣子,

因天氣乾燥, 媽咪抓傷了自己的手臂…

被靖天發現了, 只因某天晚上, 她用力的挽了媽咪一下, 惹得媽咪呱呱大叫…

看見傷口 (圖片的已經痊癒),靖天立即縐著眉: 『點解會咁架?』

媽咪: 『”R”囉… 痕咪”R”, 跟住咪損囉!』

靖天: 『我都叫你唔好”R”架啦, “R”就會損架喇, 你拍拍佢忍下丫麻!』

媽咪: 『你都無提我…』

靖天: 『咁依家痛唔痛呀?』

媽咪:『少少啦, 所以你唔好咁大力呀…』

.

第2天,

她見到婆婆, 就問: 『婆婆! 媽咪隻手點先會好返架?』

婆婆聽得一頭霧水….

同天晚上,

她忽然想起, 又問爸B: 『爸B! 媽咪隻手幾時好返呀?』

隔了幾天,

晚飯時跟傻姨一起, 再問: 『的的, 我媽咪隻手點樣先唔痛呀?』

被她「廣傳」幾次, 家人都知媽咪的手臂因”太多手”而弄損了..

.

靖天對傷口的關心的程度, 比當時人更甚….

媽咪還不擔心自己何時痊癒, 何時沒有傷口,

靖天卻每天都問上好幾遍…..

是有點煩…..

卻又有點甜…..

這女兒…. 腦袋總之怪怪的, 小事變大, 大事卻又變無知…

也不知說她怎麼好了….

.

(100)

Comments

comments