原來呢o的地方都有好人~

呢一日, 我又去”受靶”, 諗住個”纖體師”又唔知sell我咩…. 點知…..

今次呢個女仔個樣都已經串串地……. 上磅時又好似其他女仔咁, 話我重左…… (大佬, 與其話我重左不如反省下點解你公司o的儀器做左咁多次, 少少都輕唔到!!!) emotion

我無出聲只係”唔”左佢一聲……. 就入房等佢!

駁好機開始喇, 做做下……..

佢竟然問我: 其實你係咪好唔鍾意講野?
我: 唔係呀……. 做咩咁問?
佢: 無呀, 我見你入黎咁耐, 只係”唔”, “哦”, 咁應我, 一句聲都唔出, 我以為你唔鍾意講野……
我: 無乜野想講咪唔講囉……
佢: 但你好似唔開心咁……
我: 咁做左幾次無成效不得止,仲要俾你地狂sell, 我睇唔出要有幾開心囉~
佢: 係? 佢地sell你咩呀?!
我: 人手通淋巴囉, 話我勁塞丫麻…….你地個個女仔入黎都咁講架啦, 咁我咪費事出聲囉!
佢: (呢個時候佢竟然答) 唔好join呢度o的通淋巴呀, 呃錢呃人架!!!!!
我: (極度意外) 下??????? 你咁講既…….
佢: 唉, 唔好話我倒米丫, 我有o個句講o個句架咋……. 我份人就係咁直! 我都就黎唔做架喇!
……………..
…………….

後尾講起佢話本來o係元朗店做點知因為唔肯sell 客, 個經理唔鍾意就唔要佢, 調左佢黎屯門店………  emotion

我話你地sell到客都有佣啦…… 做咩唔sell~~~~emotion

佢話佢地做纖體師, sell到個course都係得1%佣,emotion 如$6800既療程 sell到得68蚊, 咁sell黎做乜?! (咦? 又有道理喎………..) emotion

再問佢點解要做纖體師, 咁辛苦…….佢竟然答, 好似通淋巴咁, o的客痛到叫救命, 佢好有快感……. 真係超搞笑!!!! emotion

就係咁我地就打開左個話題……… 我仲講明以後我要佢跟我, 因為我唔想再俾人sell!!!!!emotion

====================================

真係無諗過, o係呢o的大型連鎖公司, 都會有o的咁既女仔…….. 唔鍾意sell客, 淨係享受工作…….. 實在難得難得!!!!!

希望佢唔好咁快唔做, 等我完埋個plan先走啦……. emotionemotionemotionemotionemotion

 

(128)

Comments

comments

一般留言 (6)

  1. 咁咪好囉, 快d問下佢有邊d treatment真係有效又抵做啦~~

  2. 尼個姐姐又會咁老實既…..emotion 咁不如問下佢有邊個treatment有用小小啦….雖然佢會答你乜都無效…..咁有用小小都總好過無….

  3. qq :
    咁咪好囉, 快d問下佢有邊d treatment真係有效又抵做啦~~

    呢位姐姐會答: 乜都無效~~~~

  4. hungcnine :
    但佢就唔做啦wor

    希望佢會耐少少先走囉~

  5. bo (林師奶) :
    尼個姐姐又會咁老實既….. 咁不如問下佢有邊個treatment有用小小啦….雖然佢會答你乜都無效…..咁有用小小都總好過無….

    咁都係既, 下次問下佢;

發表留言