靖天的「真」寵物 *** Home Playgroup ***
『咱們仨』新添的小成員!!!!
上左BC 幾堂, 靖天媽咪多了點點兒啟發…….
猶記得老師話靖天上課時會協助淋花, 也會看看植物…. 平時上街, 看到小動物, 小植物, 心肝都會多看兩眼….. 老師也建議我們在家可以教她淋花, 煮飯…. 一些真實而又簡單的工作…
既然耐性砌積木層層疊, 媽咪又不想勞氣…. 也許可以試試加強靖天的自然人文教育, 應該簡單好多喇….. 
養狗仔貓仔, 屋苑唔俾;
養兔仔老鼠仔, 爸B唔鍾意….
結果…. 揀左似乎係最容易養既…. 魚仔!!!!!!
3號風球的周日, 無所事事, 『咱們仨』就去左金魚街買”玩具”!!!!! 
魚缸、養魚工具、水草、魚….. 齊曬!
以前養魚, 就只係用個缸放o的魚就算, 結果….. 一次又一次咁整死曬佢地…
今次為著靖天, 諗住多花少少心機, 原來….. 心機係要用錢買… 
一套養魚設備, 最基本簡單的, 都要3-4百元…… 咁貴既???!!!!
走了3日, 格過價, 都係咁…. 結果…. 還是落單了!~!!!!
只抱住一個心態: 玩魚比玩積木更有生氣… 
靖天應該會容易接受……
粗重工夫留返爸B黎…. 結果一搞就是個多小時……
在金魚街的短短個多小時, 靖天已經十級興奮… 不停要落地 (平時係樹熊黎架麻) 時而大笑, 時而大叫, 時而”魚魚”, 時而”蝦蝦”, 仲可以超近距離看看那些超貴的大海龜 (> HK$1x, xxx … 遺憾不能拍照, 要不拍下靖天當時的情況, 回味一下也好麻… 
充滿好奇的靖天…….
回到家, 爸B在忙的時候, 靖天都時不時走去看看, 十分好奇似的…….
最後還幫忙為魚缸打扮打扮… 也許到靖天再大一點, 可以安排更多工作給她啊!
大功告成!!!! 隔左一晚, O的水仲係好瀆….. 都話唔好落沙架啦~! 
呢個貝殼係靖天放入去做小擺設架…. 
買魚後一家左去右去, 結果回到家, 幾條迷你魚已經….. 
又未知是否不適應, 或者真係太細條….. 第2朝醒來… 再多幾條
下次再買, 都不會買這些迷你魚… 好難養啊!! 
早上起來, 小魚兒好似好精神咁啊…….
可惜完全零養魚經驗的我們, 未知是否因為沙粒問題, 點整, o的水都係唔清…
結果, 第2天晚上, 爸B就將沙粒清走, 暫時換成一個”清缸”…. 感覺乾淨清潔多了!!! 
靖天早上起來, 看見魚魚, 都會走去看看… 現在可以做的, 就是讓她餵飼小魚們…
早上一次, 晚上回家後一次…. 試過幾遍, 已經記得”魚糧”的樣子, 還不錯啊!
希望慢慢可以培養出耐性和愛心來………… 
早上起來, 對”魚魚”仍然有感覺啊!
還會幫忙餵魚魚呢!
一直以為設幾個自家教具, 就可以教好靖天, 然後才知道….. 
三番四次想買下蒙特梭利的教具, 現在出的”套裝”也真齊全, 可惜價錢實在有點兒嚇人…. 著實如果心肝肯玩, 多多錢都會買, 只係……. 買返黎會變成家中既擺設….. (連積木都唔多願砌既小朋友, 好難想像會乖乖坐o係度玩”專用教具”…. )
養小寵物, 種植物, 這些日常生活的活動, 該不會再錯喇麻?!
雖然唔知道靖天是否真心的鍾意爸B媽咪為她準備的小玩意, 但從這數天看來, 她是挺接受的!
一來魚缸比例上較大, 靖天得閒就會去看看魚魚 (會動的東東小朋友最喜歡), 打個招呼….
二來不用再被媽咪三催四請疊積木, 認顏色, 砌拼圖…. 我係佢我都鍾意啦…
靖天, 我們的目標: 唔好養死魚…… 最好可以見到佢地生魚BB… 好無好無?!
再記:
經過一個多星期, 之前買落既20條燈籠魚已經……..全部變左做小魚仙…… 為左唔好觸景傷情, 我地就趁假期多添幾條新成員…..
有清道夫、彩色魚 (我地作既), 仲有….. 接吻魚…..!!!!
爸B仲加左盞燈, 等夜晚睇既時候靚O的….
接吻魚…. 終於o係夜晚接吻喇!!! 勁可愛啊!!!!! 可惜靖天訓左無得睇呢……
仲有2條清道夫, 果真勤力, 係咁食… 係咁食….. (o的屎屎… 同埋垃圾!!)
一個星期過去, 靖天跟我們還是繼續興奮…. 『咱們仨』變得更有生氣了!
一星期後的魚缸……… 靚左, 又多左好多魚呢…
(257)
養魚的確令間屋多一點生氣…但我暫時都無信心可以令到梓朗唔去”搞”d魚, 所以…都係等佢大d先吧!
想請教靖天媽你是如何教靖天的…eg. 梓朗很鍾意將d玩具由玩具架度搬晒落嚟, 有時總推住個玩具架成屋走
唔知靖天有無呢d問題呢?
靖天願意去欣賞同埋餵下佢我已經好滿足了…. :)
其實我無特別教靖天架, 由細到大我由佢掉, 可能掉夠左, 就無左咁囉… 同埋玩完我都要求佢執玩具 (當然佢唔執又係一回事, 嘻)…….
日子耐左佢就開始有少少”手尾”…..
我都打算anson再大d養缸魚, 不過就真係要大個d, 因為我想anson 自己揀魚, 幫手一齊佈置, 跟住每日都由佢餵魚, 亦要幫手洗魚缸等等..
靖天依家只係做到… 自己揀魚, 同埋…. 幫手餵魚, 哈哈~!
大個o的餵真係別有一番風味~~~!!!
好有心機呀 !!
我就怕我會養死晒 .. 所以一直都無整到 .. 哈哈
睇你地就好容易 . 但實際好難 ..
努力呀 !!
死左啦, 一個星期死左20條….. 次次養呢款魚都死, 所以決定唔再買佢…..!!!!
Sand/pebbles: have to “soak” with water in a separated bucket before you put it into your tank! If possible, soak those for 3 days and change a new batch of water everyday!
After sand/pebbles soak for 3 days, put those into tank with fresh water. And let the whole system runs for a couple days BEFORE put any live fish in!
Please soak any new deco items for the tank before you put it into the tank with your fish!
For my opinion: it’s more simple to get a 草龜 或 巴西龜 as a pet. They are very easy to take care! Don’t need fansy tank for them.
多謝…… 我地星期六再買魚時問左喇, 要洗”沙”, …. 哈哈!
養龜仔都會呀, 不過好似魚仔得意o的咁囉…. kekekekeke
之前我地都有試過係金魚街到買魚哦!但係十條都有十條都唔洗二、三日就屎的。之後我地朋友將佢養緊果d比我地, 一養就養到e+ 仲不停生魚仔tim呀!!! 遲d我諗你個缸都會係咁樣架~ 比心機呀!!!
係咪唔夠氧氣, 唔夠… abc, efg呀?
今次幾好, 買齊野, 真係養到喎, 第2個星期喇, yeah!
生魚仔? 我都想呀~
接吻魚好容易養架~無左d沙真係清好多,打理都方便d啦~
係咩? 但第2朝我已經死左條喇喎…… =.=
係呀, 買埋”清道夫’真係好一點
o的水唔清係正常架…..通常要幾日先清..
你要慢慢養返o的菌係過濾….
如果要落草…其實落返o的泥好o的
將o的水草解咗佢..慢慢插返落泥到…如果你o的燈夠…就會慢慢生開架喇…
o的魚仔一開始死有好多原因..
首先就係你買哩o的袋裝魚…本身就係質素參差…
(如果唔係點會賣咁平)…
所以一開波體弱既就會死得快…
其次係落魚缸既水係有氯氣…
基本上你係要開o的水放一晚先可以落魚缸…
仲有就係魚魚住慣既水水質同你屋企既水唔同..
新買返唻既魚…你要慢慢混水…等佢適應先好放魚缸…
金魚基本上最易養..又唔使暖氣…
你養慣咗基本上就ok架喇….
師姐養魚都有研究….. 你係百科全書麼?1
我買左除”綠”架喇…. 但就係養”燈籠魚”死得好快…
我唔鍾意金魚架, 覺得佢地好核突
依家養左2個星期好少少咯, 我會叫老公睇你地既留言, 參詳一下, yeah!